രോഹിതിന്​ സെഞ്ച്വറി; ആസ്​ട്രേലിയക്ക്​ 309 റൺസ്​ വിജയലക്ഷ്യം

ബ്രിസ്​ബേൻ: ആസ്​ട്രേലിയക്കെതിരെയുള്ള  രണ്ടാം ഏകദിനത്തിലും സെഞ്ച്വറി (124) ​നേടിയ രോഹിത്​ ശർമയുടെ മികവിൽ ഇന്ത്യൻ സ്​കോർ 300 കടന്നു. നിശ്ചിത 50 ഒാവറിൽ എട്ട്​ വിക്കറ്റ്​ നഷ്​ടപ്പെടുത്തിയാണ്​ ഇന്ത്യ 308 തികച്ചത്​. 127 പന്തിൽ 11ഫോറുകളുടെയും മൂന്ന്​ സിക്​സറുകളുടെയും അകമ്പടിയോടെയാണ്​ രോഹിത്​ 124 റൺസെടുത്തത്​. 89 റൺസ്​ നേടിയ അജിങ്ക്യ രഹാനയുടെയും വിരാട്​ കോഹ്​ലിയുടെയും 59 റൺസ്​ നേടിയ വിരാട്​ കോഹ്​ലിയു​െടയും ബാറ്റിങ്ങും ഇന്ത്യൻ സ്​കോറിന്​ കരുത്തു പകർന്നു.

ടോസ്​ നേടിയ ഇന്ത്യ ബാറ്റിങ്ങ്​ തെരഞ്ഞെടുക്കുകയായിരുന്നു. സ്​കോർ ഒമ്പതിൽ നിൽക്കെ ആറു റൺസെടുത്ത ഒാപണർ ശിഖർ ധവാനെ ജോയൽ പാരിസ്​ പുറത്താക്കി. രണ്ടാം വിക്കറ്റിൽ ഒത്തുചേർന്ന വിരാട്​ കോഹ്​ലിയും രോഹിത്​ ശർമയുമാണ്​ ഇന്ത്യൻ സ്​കോറിങ്ങിന്​ അടിത്തറയിട്ടത്.  59 റൺസ്​ നേടിയ വിരാട്​ കോഹ്​ലി  അനാവശ്യ റണ്ണിന്​ ​​ശ്രമിച്ച്​ റണ്ണൗട്ട്​ ആയി. രണ്ടാം ഒാവറിൽ ഇരുവരും ചേർന്ന്​ 125 റൺസി​െൻറ കൂട്ടുകെട്ടാണ്​ പടുത്തുയർത്തിയത്​. രോഹിത്​ ശർമക്ക്​ കൂട്ടായി അജിങ്ക്യ രഹാനെ എത്തിയതോടെ സ്​കോറിങ്ങിന്​ വേഗം കൂടി.  സ്‌കോര്‍ 255ല്‍ നില്‍ക്കെ 124 റണ്‍സെടുത്ത രോഹിത്​ ശർമ പുറത്തായി.

അഞ്ച്​ മത്സരങ്ങളടങ്ങിയ പരമ്പരയിലെ ആദ്യ ഏകദിനത്തിലും രോഹിത്​ ശർമ സെഞ്ച്വറി നേടിയിരുന്നു. 171 പന്തിൽ 163 റൺസ്​ നേടിയ രോഹിത്​ ആസ്​ട്രേലിയക്കെതിരെ അവരുടെ മണ്ണിൽ ഏറ്റവും ഉയർന്ന വ്യക്​തിഗത്​ സ്​കോർ നേടുന്ന താരമായി. ആദ്യ ഏകദിനത്തിൽ ഇന്ത്യ ഒരുക്കിയ വിജയലക്ഷ്യമായ 310 റൺസ്​ അഞ്ച്​ വിക്കറ്റ്​ നഷ്​ടത്തിൽ ​ആസ്​ട്രേലിയ മറികടന്നു.