ഡേവിഡ്​ വാർണർക്ക്​ പകരം അലക്​സ്​ ഹാൽസ്​ സൺറൈസേഴ്​സിൽ

ഹൈദരാബാദ്​: പന്ത്​ ചുരണ്ടൽ വിവാദത്തെ തുടർന്ന്​ വിലക്ക്​ നേരിട്ട ആസ്​ട്രേലിയൻ വൈസ്​ ക്യാപ്​റ്റൻ ഡേവിഡ്​ വാർണർക്ക്​ പകരം ഇംഗ്ലണ്ട്​ വെടിക്കെട്ട്​ ബാറ്റസ്​മാൻ അലക്​സ്​ ഹാൽസിനെ സൺറൈസേഴ്​സ്​ ടീമിൽ. 1 കോടി രൂപക്കായി ഹാൽസിനെ ഹൈദരാബാദ്​ ടീമിലെത്തിച്ചത്​. ​ബി.സി.സി.​െഎയുമായി ​െഎ.പി.എൽ കളിക്കാൻ കരാർ ഒപ്പിട്ട താരങ്ങളിൽ നിന്നാണ്​ ഹാൽസിനെ സൺറൈസേഴ്​സ്​ സ്വന്തമാക്കിയത്​. 

​െഎ.പി.എല്ലിൽ ശിഖർ ധവാനെപ്പം ​​ഡേവിഡ്​ വാർണറാണ്​ സൺറൈസേഴ്​സിനായി ഒാപ്പൺ ചെയ്യുന്നത്​. വാർണർ പോയതോടെ നല്ലൊരു ഒാപ്പണറുടെ അഭാവം ടീം നേരിടുന്നുണ്ട്​. ഇത്​ പരിഹരിക്കുന്നതിനായാണ്​ ഇംഗ്ലണ്ട്​ ഒാപ്പണർ ഹാൽസിനെ സൺ​റൈസേഴ്​സ്​ ടീമിലെടുത്തത്​​. ഇംഗ്ലണ്ടിനായി സെഞ്ച്വറി നേടിയ താരമാണ്​ ഹാൽസ്​.

​​െഎ.സി.സി ട്വൻറി 20 റാങ്കിങ്ങിൽ ആദ്യ പത്തിൽ ഇടംപിടിച്ച ഏക ഇംഗ്ലീഷ്​ ബാറ്റ്​സമാനാണ്​ ഹാൽസ്​. 31.65 റൺസ്​ ശരാശരിയും 136.32 സ്​​ട്രൈക്ക്​ റേറ്റും താരത്തിനുണ്ട്​​. ​െഎ.പി.എൽ ലേലത്തിൽ ഹാൽസിനെ വാങ്ങാൻ ആരും തയാറായിരുന്നില്ല.