ആഷസ്​ ടെസ്​റ്റ്​: ആസ്​ട്രേലിയക്ക്​ പത്തുവിക്കറ്റ്​ ജയം

ബ്രിസ്​ബേൻ: ആഷസ്​ പരമ്പരയിലെ ആദ്യ ടെസ്​റ്റിൽ 10​ വിക്കറ്റ്​ ജയത്തോടെ ആസ്​ട്രേലിയയുടെ തുടക്കം. അവസാന ദിനത്തിൽ 56 റൺസ്​ വിജയലക്ഷ്യവുമായിറങ്ങിയ കങ്കാരുപ്പടയെ ഒാപണർമാരായ ബ്രാൻക്രോഫ്​റ്റും (82) ഡേവിഡ്​ വാർണറും (87) അപരാജിത കൂട്ടുകെട്ടിലൂടെ വിജയതീരമണിയിച്ചു. സെഞ്ച്വറിയുമായി മത്സരത്തി​​െൻറ ഗതി മാറ്റിയ ഒാസീസ്​ ക്യാപ്​റ്റൻ സ്​റ്റീവ്​ സ്​മിത്താണ് മാൻ ഒാഫ്​ ദ മാച്ച്​. സ്​കോർ^ ഇംഗ്ലണ്ട്​: 302/195, ആസ്​ട്രേലിയ: 328, 173/0. അഞ്ചു മത്സരങ്ങൾ നീളുന്ന പോരാട്ടത്തിൽ ഇതോടെ ഒാസീസ്​ 1-0ത്തിന്​ മുന്നിലെത്തി. 

വിക്കറ്റ്​ നഷ്​ടപ്പെടാതെ 114 റൺസുമായി അവസാന ദിനം കളത്തിലെത്തിയ ആസ്​ട്രേലിയൻ ഒാപണിങ്​ ജോടികളെ പിരിക്കാൻ ഇംഗ്ലീഷ്​ ബൗളർമാർക്ക്​ കഴിഞ്ഞില്ല. ജെയിംസ്​ ആൻഡേഴ്​സൺ, ക്രിക്​സ്​ ​േവാക്​സ്​, ജെയിക്​ ബാൾ എന്നിവരെ ബ്രാൻക്രോഫ്​റ്റും വാർണറും ക്ഷമയോടെ നേരിട്ടപ്പോൾ, 170 റൺസ്​ വിജയലക്ഷ്യം ഉച്ചക്കുമു​​േമ്പ ആതിഥേയർ മറികടന്നു. ക്രിക്​സ്​ വോക്​സിനും (46) ജെയ്​ക്​ ബാളിനുമാണ് (38)​ കൂടുതൽ തല്ലുകൊണ്ടത്​. 

സൂപ്പർ ജയത്തോടെ ഗാബ ക്രിക്കറ്റ്​ സ്​റ്റേഡിയത്തിൽ തോൽക്കില്ലെന്ന വിശ്വാസം ഇത്തവണയും ഒാസീസ്​ കാത്തു. 1988ൽ ഇതിഹാസ താരം വിവ്​ റിച്ചാർഡ്​സി​​െൻറ വെസ്​റ്റിൻഡീസിനോടാണ്​ അവസാനമായി ഇൗ സ്​റ്റേഡിയത്തിൽ ഒാസീസ്​ ടെസ്​റ്റിൽ തോൽക്കുന്നത്​. ഡേ^നൈറ്റ്​ മത്സരമായ രണ്ടാം പോരാട്ടം അഡലെയ്​ഡ്​ ഒാവലിൽ ശനിയാഴ്​ച തുടങ്ങും. ആഷസിലെ ആദ്യ ​ഡേ^നൈറ്റ്​ മത്സരമാണിത്​.