ഡ്രെസിങ്​ റൂമി​െൻറ ഗ്ലാസ്​ തകർന്ന സംഭവം; അ​േന്വഷണത്തിന്​ ​െഎ.സി.സി ഉത്തരവ്​

കൊളംബോ: ബംഗ്ലാദേശ്​-ശ്രീലങ്ക ട്വൻറി 20 മൽസരത്തിന്​ ശേഷം ​ബംഗ്ലാദേശ്​ ടീമി​​െൻറ ഡ്രെസിങ്​ റൂമി​​െൻറ ഗ്ലാസ്​ തകർന്ന സംഭവത്തിൽ അന്വേഷണത്തിന്​ ​െഎ.സി.സി ഉത്തരവ്​. സി.സി.ടി.വി ദൃശ്യങ്ങൾ പരിശോധിക്കാനാണ്​ ​െഎ.സി.സി മാച്ച്​ റഫറി ക്രിസ്​ ബോർഡ്​ ഉത്തരവിട്ടിരിക്കുന്നത്​. മൽസരത്തിനിടെ ഇരു ടീമുകളുടെയും കളിക്കാർ തമ്മിൽ വാക്കേറ്റം നടന്നിരുന്നു.

ഇന്ത്യ, ബംഗ്ലാദേശ്​, ശ്രീലങ്ക എന്നീ ടീമുകൾ മൽസരിക്കുന്ന​ ത്രീരാഷ്​ട്ര ട്വൻറി 20 ടൂർണമ​െൻറിൽ നിർണായക മൽസരമായിരുന്നു വെള്ളിയാഴ്​ച നടന്നത്​. ടൂർണമ​െൻറി​​െൻറ ഫൈനലിൽ എത്തണമെങ്കിൽ ബംഗ്ലാദേശിനും ശ്രീലങ്കക്കും ജയം അനിവാര്യമായിരുന്നു. മൽസരത്തി​​െൻറ അവസാന ​ഒാവറിന്​ മുമ്പായിരുന്നു ഇരു ടീമുകളുടെയും അംഗങ്ങൾ തമ്മിൽ പ്രശ്​നങ്ങളുണ്ടായത്​. ഇതി​​െൻറ തുടർച്ചയാണോ ഡ്രെസിങ്​ റൂമിലെ സംഭവം​ എന്നതടക്കമുള്ള കാര്യങ്ങൾ ​െഎ.സി.സി പരി​േശാധിക്കുമെന്നാണ്​ വിവരം. 

സി.സി.ടി.വി ദൃശ്യങ്ങളു​െട പരിശോധനയിൽ ടീമുകൾ​ക്ക്​ ഏതെങ്കിലും തരത്തിൽ ഗ്ലാസ്​ തകർന്ന സംഭവത്തിൽ പ​ങ്കുണ്ടെന്ന്​ തെളിഞ്ഞാൽ കടുത്ത നടപടികൾ നേരിടേണ്ടി വരും. കഴിഞ്ഞയാഴ്​ച ആസ്​ട്രേലിയ-ദക്ഷിണാഫ്രിക്ക ടെസ്​റ്റ്​ മൽസരത്തിനിടെ ഇരു ടീമുകളും ഡ്രെസിങ്​ റൂമിൽ വെച്ച്​ ഏറ്റുമുട്ടിയിരുന്നു.