ബി.സി.സി.​െഎയിൽ അഴിച്ച്​ പണി; ഇനി ഒരോ സംസ്ഥാനത്തിന്​ ഒാരോ വോട്ട്​

മുംബൈ: ബി.സി.സി.​െഎയിൽ സമഗ്രമാറ്റങ്ങൾക്ക്​ തുടക്കമാവുന്നു. ലോധ കമ്മിറ്റി ശിപാർശകളനുസരിച്ച്​ സംഘടനയെ ഉടച്ചുവാർക്കാനുള്ള ശ്രമത്തിലാണ്​ പുതിയ ഭാരവാഹികൾ. ഇത്​ പ്രകാരം ഇനി ബി.സി.സിയിൽ അംഗമായ സംസ്ഥാന ക്രിക്കറ്റ്​ അസോസിയേഷനുകൾക്ക്​ ഒരു വോട്ട്​ മാത്രമേ ഉണ്ടാവുകയുള്ളു. 41 തവണ രഞ്​ജി ചാംപ്യൻമാരായ മുംബൈയുടെയും സൗരാഷ്​ട്രയു​ടെയും വോട്ടിങ്​ അവകാശം ഇതോടെ ഇല്ലാതാകും. വടക്ക്​ കിഴക്കൻ സംസ്ഥാനങ്ങൾക്ക്​ പൂർണമായ രീതിയിലുള്ള വോട്ടിങ്​ അവകാശം നൽകാനും ബി.സി.സി.​െഎ തീരുമാനിച്ചിട്ടുണ്ട്​.

അതോടൊപ്പം ഇനി ബി.സി.സി.ഐ വര്‍ക്കിങ് കമ്മിറ്റി ഉണ്ടാകില്ല. പകരം ഒരു ഉന്നതാധികാര സമിതിയാകും കാര്യങ്ങള്‍ കൈകാര്യം ചെയ്യുക. ബി.സി.സി.ഐ പ്രസിഡൻറി​െൻറയും ട്രഷററുടെയും അധികാരങ്ങളും സംഘടന വെട്ടിക്കുറച്ചിട്ടുണ്ട്​.  ഒരു സംസ്ഥാനത്തിന്​ ഒരു വോട്ട്​ എന്ന തീരുമാനം നടപ്പിലാകു​ന്നതോടെ ബി.സി.സി.​െഎയിൽ ഗുജറാത്ത്​, മഹാരാഷ്​ട്ര സംസ്ഥാനങ്ങള​ുടെ അപ്രമാദിത്വം ഇല്ലാതാകും. ക്രിക്കറ്റ് ക്ലബ്ബ് ഓഫ് ഇന്ത്യ, നാഷണല്‍ ക്രിക്കറ്റ് ക്ലബ്ബ്, റെയില്‍വേസ്, സര്‍വീസസ്‌, യൂണിവേഴ്‌സിറ്റീസ് എന്നിവരുടെ വോട്ടിങ് അവകാശം എടുത്തു കളഞ്ഞിട്ടുണ്ട്​.