ഐ.പി.എൽ ഉ​പേക്ഷിക്കുമോ..? ഇല്ല ! ഇതാണ്​ ബി.സി.സി.ഐയുടെ പ്ലാൻ ബി

കോവിഡ് 19 ​വൈറസ്​ വ്യാപനത്തിൽ വിറങ്ങലിച്ച്​ നിൽക്കുന്ന സാഹചര്യത്തിൽ ഈ മാസം 29 ന് ആരംഭിക്കേണ്ടിയിരുന്ന 13ാം എഡിഷ ൻ ഇന്ത്യൻ പ്രീമിയർ ലീഗ്​ ഏപ്രിൽ 15 ലേക്ക് മാറ്റിയിരുന്നു‌. എന്നാൽ, അടുത്തമാസവും ഐപിഎൽ ആരംഭിക്കുന്നത്​ അസാധ്യമാവുകയാണെങ്കിൽ ടൂർണമ​െൻറ്​ ഉപേക്ഷിക്കുന്നതിന് പകരം പുതിയൊരു തീയതിയിലേക്ക് മാറ്റാനാണ് ബി.സി.സി.ഐയുടെ തീരുമാനം.

ഐ.പി.എൽ ഉപേക്ഷിച്ചാൽ ബി.സി.സി.ഐക്കുണ്ടായേക്കാവുന്ന നഷ്​ടം 3,800കോടിയിലധികാമാണെന്നാണ്​ റിപ്പോർട്ടുകൾ. അതേസമയം, മാസങ്ങൾ നീളുന്ന ഐ.പി.എൽ വെട്ടിച്ചുരുക്കി നടത്തിയേക്കുമെന്ന വാർത്തകൾ ബി.സി.സി.ഐ തള്ളി.

ടൂർണമ​െൻറ്​ ചുരുക്കുകയല്ല, പകരം ഈ വർഷം ജൂലൈ - സെപ്റ്റംബർ സമയത്തേക്ക്‌ മത്സരങ്ങൾ‌ മാറ്റാനാണ് ബി.സി.സി.ഐക്ക്​ താൽപര്യമത്രേ. ഇംഗ്ലണ്ട്, പാകിസ്ഥാൻ എന്നീ ടീമുകൾക്കൊഴിച്ച്​ അന്താരാഷ്​ട്ര ക്രിക്കറ്റിൽ അധികം തിരക്കുകളില്ലാത്ത സമയമാണ്​ ജൂ​ൈല മുതൽ സെപ്​തംബർ വരെയുള്ള മാസങ്ങൾ.

സെപ്റ്റംബറിലാണ് ഈ വർഷത്തെ ഏഷ്യാകപ്പ് ക്രിക്കറ്റ് നടക്കേണ്ടതിനാൽ അതിന് മുന്നോടിയായി ഐ.പി.എൽ തീർക്കാൻ ബി.സി.സി.ഐയ്ക്ക് സമ്മർദമുണ്ടാകും. എന്തായാലും ബി.സി.സി.ഐയുടെ പുതിയ തീരുമാനം എത്രത്തോളം ഫലപ്രാപ്​തിയിലാവുമെന്ന്​ ഉറ്റുനോക്കുകയാണ്​ ക്രിക്കറ്റ്​ലോകം.