ബി.സി.സി.​െഎ ഭരണത്തിന്​ ​നാലംഗ പാനൽ; വിനോദ്​ റായ്​ തലവൻ

ന്യൂഡൽഹി: ഇന്ത്യൻ ക്രിക്കറ്റ്​ കൺട്രോൾ ബോർഡി​െൻറ(ബി.സി.സി.​െഎ) ഇടക്കാല ഭരണസമിതി അധ്യക്ഷനായി മുൻ കംപ്​ട്രോളർ ആൻഡ്​ ഒാഡിറ്റ്​ ജനറൽ(സി.എ.ജി) വിനോദ്​ റായിയെ സുപ്രീംകോടതി നിയമിച്ചു. ചരിത്രകാരനും ക്രിക്കറ്റ്​ ​ഗവേഷകനുമായ രാമചന്ദ്രഗുഹ, മുൻ ഇന്ത്യൻ വനിതാ ക്രിക്കറ്റ്​ ടീം നായിക ഡയാന എഡുൽജി, ​​െഎ.ഡി.എഫ്.​സി മാനേജിങ്​ ഡയറക്​ടർ വിക്രം ലിമായെ എന്നിവരെ ഭരണസമിതി അംഗങ്ങളായും സു​​പ്രീംകോടതി നിയമിച്ചു​. ഇടക്കാല പ്രസിഡൻറും ഭരണസമിതി അംഗങ്ങളും ബി.സി.സി.ഐയുമായോ ഏതെങ്കിലും സംസ്ഥാന ക്രിക്കറ്റ് അസോസിയേഷനുകളുമായോ  ബന്ധവുമില്ലാത്തവരാണ്.

കായിക മ​്രന്താലയ സെക്രട്ടറിയെ ബി.സി.സി.​െഎ ഭരണസമിതിയുടെ സെക്രട്ടറിയായി നിയമിക്കണമെന്ന കേന്ദ്രസർക്കാറി​െൻറ ഹരജി തള്ളിയാണ്​ കോടതിയുടെ നിയമനം. ബി.സി.സി​.െഎ ജോയിൻറ്​ സെക്രട്ടറി അമിതാബ്​ ചൗധരി, വിക്രം ലിമായെ എന്നിവർ ​െഎ.സി.സി പ്രതിനിധികളാവും.

ലോധ കമ്മിറ്റി റിപ്പോര്‍ട്ട് നടപ്പാക്കാത്തതിനെ തുടര്‍ന്നാണ്​ ബി.സി.സി.ഐ ഭരണസമിതിയെ സുപ്രീം കോടതി പിരിച്ചു വിട്ടത്. ഇടക്കാല ഭരണ സമിതിയിലേക്ക്​ സുപ്രീംകോടതി നിയമിച്ച അമിക്കസ്​ ക്യൂറി ഒമ്പത്​ പേരുടെ പട്ടിക സമർപ്പിച്ചിരുന്നെങ്കിലും കോടതി അംഗീകരിച്ചിരുന്നില്ല. തുടർന്ന്​ ബി.സി.സി.ഐയോടും കേന്ദ്രസര്‍ക്കാറിനോടും പേരുകള്‍ നിര്‍ദേശിക്കാന്‍ കോടതി ആവശ്യപ്പെട്ടിരുന്നു.