ബെൻ സ്​റ്റോക്​സ്​ മിസ്​റ്റർ ഇൻക്രഡിബ്​ൾ-ജോ റൂട്ട്​

മാഞ്ചസ്​റ്റർ: നയിക്കാൻ ജോ റൂട്ടും അടിക്കാൻ ബെൻ സ്​റ്റോക്​സും എത്തിയതോടെ ഇംഗ്ലണ്ട്​ ശരിയായ റൂട്ടിലായി. അഞ്ചു ദിവസത്തെ ടെസ്​റ്റിൽ മൂന്നാം ദിനം പൂർണമായും മഴയെടുത്തതോടെ കളി സമനിലയാവുമെന്നായിരുന്നു പ്രവചനങ്ങൾ. ഇംഗ്ലണ്ടി​​െൻറ ഒന്നാം ഇന്നിങ്​സ്​ അവസാനിക്കാൻ ഏതാണ്ട്​ രണ്ടു​ ദിവസം എടുക്കുകയും നാലാം ദിനത്തിൽ ഏറിയ സമയവും വെസ്​റ്റിൻഡീസുകാർ പ്രതിരോധിച്ചുനിൽക്കുകയും ചെയ്​തതോടെ കളി ഫലമില്ലാതെ പിരിയുമെന്നുറപ്പിച്ചു. ഇവിടെയാണ്​ റൂട്ടി​​െൻറ ക്യാപ്​റ്റൻസിക്കൊത്ത നിലവാരത്തിലേക്ക്​ ബൗളർമാരും ഉയർന്നത്​. പിന്നെ നാലാം ദിനത്തി​​െൻറ അവസാന സെഷനിലും അഞ്ചാം ദിനത്തിലും കണ്ടത്​ ഇംഗ്ലീഷ്​ മാജിക്​​.

രണ്ടാം ടെസ്​റ്റിൽ ഇംഗ്ലണ്ട്​ 113 റൺസിന്​ ജയിച്ചതി​​െൻറ ക്രെഡിറ്റ്​ ക്യാപ്​റ്റൻ ജോ റൂട്ട്​ മുഴുവനായും നൽകുന്നത്​ ഒന്നാം ടെസ്​റ്റിലെ നായകൻ ബെൻ സ്​റ്റോക്​സിനാണ്​. സെഞ്ച്വറിയും (176) അതിവേഗ അർധസെഞ്ച്വറിയും (78) ഉൾപ്പെടെ 254 റൺസെടുക്കുകയും മൂന്നു​ നിർണായക വിക്കറ്റ്​ വീഴ്​ത്തുകയും ചെയ്​ത സ്​റ്റോക്​സിനെ റൂട്ട്​ കാർട്ടൂൺ സൂപ്പർ ഹീറോ ‘മിസ്​റ്റർ ഇൻക്രഡിബ്​ൾ’ എന്ന്​ അഭിസംബോധന ചെയ്യുന്നു. ‘‘അദ്ദേഹത്തി​​െൻറ പ്രകടനം കണ്ടാൽ ആകാശമാണ്​ ആ പ്രതിഭയുടെ പരിധിയെന്ന്​ തോന്നും. കളിയിൽ അദ്ദേഹം ചെയ്യുന്നത്​ കാണു​േമ്പാൾ സ്​ഥിരതയിൽ സംശയിക്കാനാവില്ല. ഫോമും മികവുംകൊണ്ട്​ ​​േലാകക്രിക്കറ്റി​​െൻറ ഉന്നതിയിലുള്ള ഒരാളെയാണ്​ നാം കാണുന്നത്.

ക്രിക്കറ്റിലെ മഹാരഥന്മാർക്കിടയിലാണ്​ സ്​റ്റോക്​സി​​െൻറ സ്​ഥാനം. അദ്ദേഹത്തി​​െൻറ പ്രതിഭയെ ഇനിയും പരീക്ഷിക്കാൻ ശ്രമിക്കാതെ അംഗീകരിക്കുകയാണ്​ വേണ്ടത്​’’ -സഹതാരത്തെ റൂട്ട്​ പ്രശംസകൾകൊണ്ട്​ പൊതിയുന്നു.