ക്രിക്കറ്റ് അസോസിയേഷൻ അഴിമതി; ഫാറൂഖ് അബ്ദുള്ളക്കെതിരെ കുറ്റപത്രം സമർപിച്ചു

ശ്രീനഗർ: സംസ്ഥാന ക്രിക്കറ്റ് അസോസിയേഷനിലെ അഴിമതി കേസിൽ ജമ്മു കശ്മീർ മുൻ മുഖ്യമന്ത്രി ഫാറൂഖ് അബ്ദുള്ളക്കെതിരെ സി.ബി.ഐ കുറ്റപത്രം സമർപിച്ചു. ജനുവരിയിൽ സി.ബി.ഐ അദ്ദേഹത്തിൻറെ മൊഴിയെടുത്തിരുന്നു.

ജമ്മു കശ്മീർ ഹൈകോടതി ഉത്തരവിനെത്തുടർന്ന് 2015ലാണ് സി.ബി.ഐ ഈ കേസ് ഏറ്റെടുക്കുന്നത്. 2002 -2011 കാലഘട്ടത്തിൽ ജമ്മു കശ്മീർ ക്രിക്കറ്റ് അസോസിയേഷന് ബി.സി.സി.ഐ 112 കോടി രൂപ നൽകിയിരുന്നു. ഇതിൽ 43.69 കോടി രൂപയുടെ അഴിമതി നടത്തിയെന്നാണ് ഇവർക്കെതിരായ കേസ്.