പിരിച്ചുവിട്ട ജീവനക്കാർക്ക്​ സൂപ്പർമാർക്കറ്റിൽ ജോലി വാങ്ങി നൽകി​ ക്രിക്കറ്റ്​ ആസ്​ട്രേലിയ

മെൽബൺ: കോവിഡ്​ 19 നെത്തുടർന്ന്​ ഉടലെടുത്ത സാമ്പത്തിക ഞെരുക്കം കാരണം താൽക്കാലികമായി പിരിച്ചുവിട്ട ജീവനക്കാര െ കൈവിടാതെ ക്രിക്കറ്റ്​ ആസ്​ട്രേലിയ.

മത്സരങ്ങൾ നടക്കാത്തതിനാൽ ജൂൺ അവസാനം വരെ ​ജോലിയില്ലാതായ ജീവനക്കാരെ സഹായിക്കാൻ​ സുപ്രധാന സ്​പോൺസറും സൂപ്പർമാർക്കറ്റ്​ ഭീമൻമാരുമായ വൂൾവർത്ത്​സുമായി ബന്ധപ്പെട്ടിരിക്കുകയാണ്​ ബോർഡ്​.

നിലവിലെ സാഹചര്യത്തിൽ കൂടുതൽ ജീവനക്കാരെ ആവശ്യമായ വൂൾവർത്ത്​ സി.ഇ.ഒ ബ്രാഡ്​ ബാൻഡൂച്ചിക്ക്​ എഴുതിയതായി ​സി.എ ചീഫ്​ എക്​സിക്യൂട്ടീവ്​ കെവിൻ റോബർട്ട്​സ്​ പറഞ്ഞു. പ്രധാന മത്സരങ്ങൾ നഷ്​ടമാവാത്തതിനാൽ സർക്കാർ സഹായം ബോർഡിന്​ ലഭ്യമാവാത്തതും തിരിച്ചടിയായിരുന്നു.