ഇപ്പോൾ ക്രിക്കറ്റിനെ കുറിച്ച്​ സംസാരിക്കുന്നത്​ മണ്ടത്തരം; പ്രാധാന്യം ജനങ്ങളുടെ സുരക്ഷക്ക്​ -രവി ശാസ്​ത്രി

മുംബൈ: "ഇപ്പോഴുള്ളത്​ വിഷാദനിർഭരമായ ഒരു നിമിഷമാണ്​. കോവിഡ്​ 19 വൈറസ്​ എല്ലായിടത്തേക്കും വ്യാപിക്കുന്നു. ഇൗ സ മയത്ത്​ ക്രിക്കറ്റ്​ സംസാരിക്കുന്നത്​ വലിയൊരു മണ്ടത്തരമായിരിക്കും"- ദി ഹിന്ദുവിന്​ അനുവദിച്ച പ്രത്യേക അഭിമ ുഖത്തിൽ ഇന്ത്യൻ കോച്ചും മുൻ ഇന്ത്യൻ ബാറ്റ്​സ്​മാനുമായിരുന്ന രവി ശാസ്​ത്രി പറഞ്ഞു. എ​​െൻറ മനസിൽ ക്രിക്കറ്റ്​ ഇപ്പോൾ ഏറ്റവും അവസാന സ്ഥാനത്താണ്​. ജനങ്ങളുടെ സുരക്ഷക്കാണിപ്പോൾ കൂടുതൽ പ്രാധാന്യം നൽകുന്നത്​. പ്രധാനമന്ത്രി പറഞ്ഞത്​ പോലെ ഇൗ സാഹചര്യത്തി​​​െൻറ ഗ്രാവിറ്റി നാം മനസിലാക്കണം -അദ്ദേഹം കൂട്ടിച്ചേർത്തു.

അതേസമയം, ഏറെ നാളായി ഇന്ത്യന്‍ ടീം കാത്തിരുന്ന ഇടവേളയാണ് ഇപ്പോള്‍ കൊറോണ വൈറസ്​ വ്യാപനത്തോടെ അപ്രതീക്ഷിതമായി കിട്ടിയതെന്ന്​ അദ്ദേഹം ഞായറാഴ്ച പറഞ്ഞിരുന്നു. തുടര്‍ച്ചയായി വിദേശത്തും സ്വദേശത്തും മത്സരങ്ങള്‍ കളിക്കുകയായിരുന്ന താരങ്ങള്‍ മാനസികമായും ശാരീരികമായും തളര്‍ന്നിരിക്കുകയായിരുന്നു. ഇപ്പോൾ ലഭിച്ചിരിക്കുന്ന ഇടവേള ഇന്ത്യന്‍ ടീമിന് ഗുണം ചെയ്​തേക്കുമെന്നും അദ്ദേഹം അഭിപ്രായപ്പെട്ടിരുന്നു.

കളിക്കാർക്ക്​ കഴിഞ്ഞ ഒരു വർഷമായി വീട്ടിൽ വിശ്രമിക്കാനുള്ള അവസരം കാര്യമായി ലഭിച്ചിട്ടില്ല. കോവിഡ്​ 19 കൂടുതൽ അപകടകാരിയാവുന്നതിന്​ മുമ്പ്​ എല്ലാവർക്കും സുരക്ഷിതമായി വീട്ടിലെത്താൻ സാധിച്ചത്​ ആശ്വാസമാണെന്നും അദ്ദേഹം കൂട്ടിച്ചേർത്തു.