രഞ്ജി ഫൈനല്‍: ഗുര്‍ബാനിക്ക് ഹാട്രിക്കടക്കം ആറ് വിക്കറ്റ്, ഡൽഹി 295ന് പുറത്ത്

ഇന്‍ഡോര്‍: രഞ്ജി ട്രോഫി ക്രിക്കറ്റ് ഫൈനലില്‍ മാസ്മരിക പ്രകടനവുമായി വിദര്‍ഭ പേസര്‍ രജ്നീഷ് ഗുര്‍ബാനി. മാരക ഫോമിൽ കളിക്കുന്ന ഗുര്‍ബാനി ഹാട്രിക്കുള്‍പ്പെടെ ആറു വിക്കറ്റുകളാണ് ഗുര്‍ബാനി സ്വന്തമാക്കിയത്. ഡൽഹിയുടെ ഡൽഹിയുടെ ഒന്നാമിന്നിങ്സ് ഗുര്‍ബാനി 295 റണ്‍സില്‍ അവസാനിച്ചു. 24.4 ഓവറില്‍ എട്ടു മെയ്ഡനടക്കം 59 റണ്‍സ് വഴങ്ങിയാണ് ഗുര്‍ബാനി ആറു പേരെ പുറത്താക്കിയത്. ഒന്നാമിന്നിങ്സ് ബാറ്റിങ് ആരംഭിച്ച വിദര്‍ഭ 48 ഓവറിൽ മൂന്ന് വിക്കറ്റ് നഷ്ടത്തിൽ 147 റൺസെടുത്തിട്ടുണ്ട്.

ഡൽഹിക്കായി സെഞ്ച്വറി നേടി ധ്രുവ് ഷോറെയുടെ (145) അടക്കം വിക്കറ്റുകൾ ഗുര്‍ബാനിക്കായിരുന്നു. രണ്ടു വിക്കറ്റെടുത്ത ആദിത്യ തകാരെ ഗുര്‍ബാനിക്കു പിന്തുണ നൽകി. ആറു വിക്കറ്റിന് 271 റണ്‍സെന്ന നിലയില്‍ രണ്ടാംദിനം ബാറ്റിങ് തുടങ്ങിയ ഡൽഹിക്ക് 24 റണ്‍സ് കൂട്ടിച്ചേര്‍ക്കാനേ സാധിച്ചുള്ളൂ. ഗുര്‍ബാനിയുടെ ഹാട്രിക്ക് ഡൽഹിയുടെ പ്രതീക്ഷകൾ ഇല്ലാതാക്കി.