സിറിയൻ ബാലന്​ നേരെ വംശീയാക്രമണം; ഞെട്ടിക്കുന്നതെന്ന്​​ ഷെയ്​ൻ വോൺ

മെൽബൺ: സിറിയൻ ബാലന്​ നേരെയുണ്ടായ വംശീയാക്രമണത്തിൽ പ്രതികരണവുമായി ആസ്​ട്രേലിയൻ മുൻ ക്രിക്കറ്റ്​ താരം ഷെയ്​ൻ വോൺ. സിറിയൻ ബാലന്​ നേരെയുള്ള വംശീയാക്രമണം ഞെട്ടിക്കുന്നതാണ്​. അന്യദേശത്തു നിന്ന്​ പഠിക്കാനെത്തുന്നവർക്ക്​ എത്രയും പെ​െട്ടന്ന്​ സുരക്ഷയൊരുക്കാൻ സ്​കൂൾ അധികാരികൾ തയാറാവണമെന്നും ഷെയ്​ൻ വോൺ ആവശ്യപ്പെട്ടു. സിറിയൻ ബാലനെ ആക്രമിക്കുന്നതി​​​െൻറ വീഡിയോ ട്വിറ്ററിൽ പങ്കുവെച്ചാണ്​ സംഭവത്തിൽ ഷെയ്​ൻ വോൺ പ്രതികരിച്ചത്​.

Absolutely disgusting. Do something about this urgently. School should be a safe place away from home for all boys and girls !! https://t.co/6ysJxHBI0g

— Shane Warne (@ShaneWarne) November 28, 2018

വെസ്​റ്റ്​ യോക്ക്​ഷെയറിലെ ഹഡ്​സ്​ഫീൽഡിലുള്ള അൽമോണ്ട്​ബറി പബ്ലിക്​ സ്​കൂളിലെ വിദ്യാർഥിയായ സിറിയൻ ബാലനാണ്​ അക്രമത്തിന്​ ഇരയായത്​. പ്രകോപനമൊന്നും കൂടാതെ സിറിയൻ ബാലൻ ജമാലിനെ മറ്റൊരു വിദ്യാർഥി ആക്രമിക്കുകയായിരുന്നു. ആദ്യം സംഭവം ചർച്ചയായില്ലെങ്കിലും ഇതി​​​െൻറ വീഡിയോ വ്യാപകമായി സമൂഹമാധ്യമങ്ങളിലുടെ പ്രചരിച്ചതോടെ വിഷയം പൊതുജനശ്രദ്ധയിലേക്ക്​ എത്തുകയായിരുന്നു.

അതേസമയം, ഇക്കാര്യത്തിൽ സ്​കൂൾ അധികാരികൾ ഉചിതമായ നടപടി സ്വീകരിച്ചിട്ടില്ലെന്ന ആക്ഷേപവും ശക്​തമാണ്​. ഇതിനിടെയാണ്​ ഷെയ്​ൻ വോൺ ഉൾപ്പടെയുള്ളവർ സംഭവത്തിൽ പ്രതികരണവുമായി രംഗത്തെത്തിയത്​​.