കോവിഡ്​ ഫണ്ട്​: ആദ്യമായി ഹാഫ്​ മാരത്തൺ ഓടിത്തീർത്ത്​ ബെൻ സ്​റ്റോക്​സ്​

ലണ്ടൻ: ഇംഗ്ലണ്ടിലെ കോവിഡ്​ പ്രതിരോധ പ്രവർത്തനങ്ങൾക്ക്​ അകമഴിഞ്ഞ പിന്തുണയും സഹായവുമായാണ്​ കായിക താരങ്ങൾ രംഗത്ത്​ വരുന്നത്​. ബ്രിട്ടൻെറ നാഷനൽ ഹെൽത്ത്​ സർവീസസിൻെറ പ്രവർത്തനങ്ങൾക്കുള്ള ഫണ്ട്​ കണ്ടെത്താൻ ജീവിതത്തിൽ ആദ്യമായി ഹാഫ്​ മാരത്തൺ ഓടിത്തീർത്തിരിക്കുകയാണ്​ ഇംഗ്ലീഷ്​ ക്രിക്കറ്റ്​ താരം ബെൻ സ്​റ്റോക്​സ്​.

‘അത്​ വളരെ കഠിനമായിരുന്നു. നിങ്ങളെ കൊണ്ട്​ സാധിക്കുമെങ്കിൽ സംഭാവന ചെയ്യൂ. വലിയൊരു സൽപ്രവർത്തിക്കായാണിതെല്ലാം’ വടക്കുകിഴക്കൻ ലണ്ടനിലെ തൻെറ വീടിനോട്​ ചേർന്ന പ്രദേശത്ത്​ വെച്ച്​ മാരത്തൺ ഓടിത്തീർത്ത ശേഷം സ്​റ്റോക്​സ്​ ട്വിറ്ററിലൂടെ പ്രതികരിച്ചു. ​

I’ve just completed a half marathon to help @GardenMara with their efforts of raising funds for @NHSCharities and @Chance2Shine if you can please donate  https://t.co/ZvRmXL6XWl pic.twitter.com/AK7wcIDSR0

— Ben Stokes (@benstokes38) May 5, 2020

ഒരു മണിക്കൂർ 39 മിനിറ്റ്​ കൊണ്ട്​ ഓട്ടം പൂർത്തിയാക്കിയ സ്​റ്റോക്​സ്​ ലഭിച്ച വരുമാനം എൻ.എച്​.എസ്​ ചാരിറ്റീസ്​ ടുഗെതർ എന്ന സംഘടനക്ക്​ കൈമാറി. രാജ്യത്തെ 140 എൻ.എച്​.എസ് ചാരിറ്റികളെ ഏകോപിപ്പിക്കുന്ന സംഘടനയാണിത്​.