പാക്​ ക്യാപ്​റ്റ​െൻറ മകനുമൊത്ത്​ ധോണി; സാമൂഹിക മാധ്യമങ്ങളിൽ വൈറലായി ചിത്രങ്ങൾ

ലണ്ടൻ: കളിക്കളത്തിനകത്ത്​ ചിരവൈരികളാണെങ്കിലും പുറത്ത്​ നല്ല സുഹൃത്തുക്കളാണെന്ന്​  ഒരിക്കൽ കൂടി  തെളിയിക്കുകയാണ്​ ഇന്ത്യ-^പാക്​ ക്രിക്കറ്റ്​ താരങ്ങൾ. പാകിസ്​താൻ ക്യാപ്​റ്റൻ സർഫാസ്​ അഹമദി​​​​െൻറ മകൻ അബ്​ദുള്ളയുമൊത്തുള്ള ഇന്ത്യൻ മുൻ നായകൻ മഹേന്ദ്രസിങ്​ ധോണിയുടെ ചിത്രങ്ങളാണ്​ സാമൂഹിക മാധ്യമങ്ങളിൽ ഇപ്പോൾ വൈറലാവുന്നത്​. 

ഞായറാഴ്​ചയാണ്​ നിലവിലെ ചാമ്പ്യൻമാരായ ഇന്ത്യ ചാമ്പ്യൻസ്​ ട്രോഫി ഫൈനലിൽ പാകിസ്​താനെ നേരിടുന്നത്​. കോടി കണക്കിന്​ ആളുകളാണ്​ മൽസരം കാണാൻ പ്രതീക്ഷയോടെ കാത്തിരിക്കുന്നത്​. എന്തായാലും മൽസരത്തിന്​ മുമ്പ്​ പുറത്ത്​ വന്ന പാക്​ ക്യാപ്​റ്റ​​​​െൻറ മകനുമൊത്തുള്ള ചിത്രങ്ങൾ ആഘോഷിക്കുകയാണ്​ സാമൂഹിക മാധ്യമങ്ങൾ.