ഐ.സി.സി റാങ്കിങ്ങ്: ആദ്യ പത്തിൽ നാല്​ ഇന്ത്യൻ താരങ്ങൾ

ദു​ൈബ​: ദക്ഷിണാഫ്രിക്കക്കെതിരായ ഫ്രീഡം പരമ്പരയിലെ താരമായി മാറിയ ഇന്ത്യൻ ഓപണർ രോഹിത്​ ശർമക്ക്​​ ഐ.സി.സി റാങ് കിങ്ങിലും വൻ ​മു​േന്നറ്റം. ബാറ്റ്​സ്​മാന്മാരുടെ റാങ്കിങ്ങിൽ 12 സ്​ഥാനങ്ങൾ കയറി കരിയറിൽ ആദ്യമായി ടെസ്​റ്റിലെ ആ ദ്യ 10ൽ ഇടം നേടിയ രോഹിത്​ ക്രിക്കറ്റി​​െൻറ മൂന്നു​ ഫോർമാറ്റിലും ടോപ്​ ടെന്നിൽ ഉൾപ്പെട്ട മൂന്നാമത്തെ ഇന്ത്യ ൻ താരമായി മാറി. വിരാട്​ കോഹ്​ലിയും ഗൗതം ഗംഭീറുമാണ്​ മുമ്പ്​ ഈ നേട്ടം കൈവരിച്ചത്.

ആദ്യ പത്തിൽ നാല്​ ഇന്ത്യൻ താരങ്ങൾ ഇടംനേടി. റാഞ്ചിയിലെ സെഞ്ച്വറി പ്രകടനം ഇന്ത്യൻ ഉപനായകൻ അജിൻക്യ രഹാ​​െനയെ അഞ്ചാം റാങ്കിലെത്തിച്ചു. വിരാട്​ കോഹ്​ലി രണ്ടാം സ്​ഥാനവും ചേതേശ്വർ പുജാര നാലാം സ്​ഥാനവും നിലനിർത്തി. പരമ്പരയിൽ ഇരട്ട ​െസഞ്ച്വറിയും സെഞ്ച്വറിയും സ്വന്തമാക്കിയ ഓപണർ മായങ്ക്​ അഗർവാൾ 18ാം സ്​ഥാനത്തുണ്ട്​.

പരമ്പര തുടങ്ങുന്നതിനുമുമ്പ്​ 44ാം സ്​ഥാനത്തായിരുന്ന രോഹിത്​ മുമ്പ്​ ഏകദിനത്തിൽ രണ്ടാം സ്​ഥാനത്തും (ഫെബ്രുവരി 2018) ട്വൻറി20യിൽ ഏഴാം സ്​ഥാനത്തും (നവംബർ 2018) എത്തിയിരുന്നു. കോഹ്​ലി മൂന്ന്​ ഫോർമാറ്റിലും ഒന്നാം റാങ്കിലിരുന്നപ്പോൾ ​ഗംഭീർ ടെസ്​റ്റിലും ട്വൻറി20യില​ും ഒന്നാം സ്​ഥാനത്തും ഏകദിനത്തിൽ എട്ടാമതുമെത്തിയിരുന്നു.