ട്വൻറി20: രാഹുലിന്​ സെഞ്ച്വറി; ആദ്യ ജയം ഇന്ത്യക്ക്​ 

മാഞ്ചസ്​റ്റർ: ഇംഗ്ലണ്ടിനെതിരായ ട്വൻറി20 പരമ്പരയിൽ ആദ്യ ജയം ഇന്ത്യക്ക്​. എട്ട്​ വിക്കറ്റിനാണ്​ വിരാട്​ കോഹ്​ലിയും സംഘവും ജയം സ്വന്തമാക്കിയത്​. അതിവേഗ സെഞ്ച്വറിയുമായി ലോകേഷ്​ രാഹുലാണ്​ (101 നോട്ടൗട്ട്​) ഇന്ത്യക്ക്​ അനയാസ ജയം സമ്മാനിച്ചത്​. 

ആദ്യം ബാറ്റ്​ ചെയ്​ത ഇംഗ്ലണ്ടിനെ അഞ്ച്​ വിക്കറ്റ്​ പിഴുത സ്​പിന്നർ കുൽദീപ്​ യാദവ്​ എട്ട്​ വിക്കറ്റിന്​ 159 റൺസിലൊതുക്കിയപ്പോൾ ഇന്ത്യ 10 പന്ത്​ ബാക്കിയിരിക്കെ രണ്ട്​ വിക്കറ്റ്​ നഷ്​ടത്തിൽ ലക്ഷ്യത്തിലെത്തുകയായിരുന്നു. 

54 പന്തിൽ അഞ്ച്​ സിക്​സും 10 ഫോറുമായി രാഹുൽ പുറത്താവാതെ നിന്നു. 20 റൺസുമായി കോഹ്​ലിയായിരുന്നു വിജയം നേടു​േമ്പാൾ രാഹുലിനൊപ്പം ക്രീസിൽ. രോഹിത്​ ശർമ (32), ശിഖർ ധവാൻ (നാല്​) എന്നിവരാണ്​ പുറത്തായത്​.