സച്ചി​െൻറ ആ ഇരട്ടസെഞ്ച്വറിക്ക്​ പത്ത്​ വർഷം

ന്യൂഡൽഹി: ഏകദിന ക്രിക്കറ്റിൽ ഇരട്ടസെഞ്ച്വറി കുറിക്കുന്ന ആദ്യ ബാറ്റ്​സ്​മാനെന്ന റെക്കോർഡ്​ ​​സച്ചിൻ തെണ്ട ുൽക്കർ സ്വന്തമാക്കിയിട്ട്​​ പത്ത്​ വർഷം തികയുന്നു. 2010 ഫെബ്രുവരി 24ന്​ ഗ്വാളിയോർ മൈതാനമായിരുന്നു സച്ചി​​െൻറ അവ ിസ്​മരണീയ ഇന്നിങ്​സിന്​ സാക്ഷ്യം വഹിച്ചത്​.

ഡെയ്​ൽ സ്​​റ്റെയിനും വെയ്​ൻ പാർനലും ജാക്വസ്​ കാലിസും അടക്കമ ുള്ള ദക്ഷിണാഫ്രിക്കൻ ബൗളർമാരെ നിഷ്​പ്രഭരാക്കിയാണ്​ സച്ചിൻ നിറഞ്ഞാടിയത്​. സച്ചി​​െൻറ ബാറ്റിനെ ഓമനത്തത്തോടെ ചുംബിച്ച്​ ​പന്ത്​ മൈതാനമൊട്ടാകെ പാറിനടന്നപ്പോൾ പേരുകേട്ട ദക്ഷിണാഫ്രിക്കൻ ബൗളർമാർക്ക്​ മറ്റൊന്നും ചെയ്യാനുണ്ടായിരുന്നില്ല.

അതിമനോഹര കവർഡ്രൈവുകളും സ്​ട്രൈറ്റ്​ ഡ്രൈവുകളും കരുത്തുറ്റ പുൾഷോട്ടുകളും നിറംചാർത്തിയ ഇന്നിങ്​സിനൊടുവിൽ സച്ചിൻ പൂർത്തിയാക്കിയത്​ പുറത്താകാതെ 200 റൺസെന്ന അപൂർവ്വ നേട്ടമായിരുന്നു. അത്രയും കാലം ബാറ്റ്​സ്​മാൻമാർ അപ്രാപ്യമെന്ന്​ കരുതിയ ഇരട്ടസെഞ്ച്വറി കുറിച്ച്​ മടങ്ങു​േമ്പാൾ സച്ചി​​െൻറ ബാറ്റിൽ നിന്ന്​ 25 ബൗണ്ടറികളും മൂന്ന്​ സിക്​സറും ഒ​ഴുകിയിരുന്നു.

സച്ചി​​െൻറ നേട്ടത്തിനുശേഷം ഇന്ത്യക്കാരായ വീരേന്ദർ സെവാഗ് ഒരു തവണയും രോഹിത്​ ശർമ മൂന്ന്​ തവണയും ഇരട്ടസെഞ്ച്വറി നേടിയിരുന്നു. മാർട്ടിൻ ഗപ്​റ്റിൽ, ക്രിസ്​ഗെയ്​ൽ, ഫഖർ സമാൻ തുടങ്ങിയവരും ഇരട്ട സെഞ്ച്വറി നേടി. മത്സരത്തിൽ 401 റൺസ്​ കുറിച്ച ഇന്ത്യക്കെതിരെ 248 റൺസ്​ മാത്രം നേടാനേ ദക്ഷിണാഫ്രിക്കക്ക്​ സാധിച്ചിരുന്നുള്ളൂ.