ഉമേഷ് യാദവ് എറിഞ്ഞിട്ടു; ആസ്​ട്രേലിയ ഒമ്പതിന്​ 256

പു​ണെ: ഇന്ത്യൻ മണ്ണിലെ ഒന്നാം ടെസ്റ്റിൻെറ ആദ്യദിനം ആ​സ്​​ട്രേ​ലി​യ ഒമ്പത് വിക്കറ്റ് നഷ്ടത്തിൽ​ 256ന്​ പത്തി മടക്കി. നാല് വിക്കറ്റ് വീഴ്ത്തിയ ഉമേഷ് യാദവും രണ്ട് വിക്കറ്റെടുത്ത രവീന്ദ്ര ജഡേജയുമാണ് കംഗാരുക്കളെ വീഴ്ത്തിയത്.  അവസാന നിമിഷംവരെ ഒറ്റയാൾ പോരാട്ടം നടത്തുന്ന ഒസീസ്​ ഒാൾറൗണ്ടർ മിച്ചൽ സ്റ്റാർക്ക്(57 നോട്ടൗട്ട്)  ആണ് ടീം സ്കോർ 250 കടത്തിയത്.

ആസ്ട്രേലിയൻ ക്യാപ്റ്റൻ സ്റ്റീവൻ സ്മിത്തിൻെറ പുറത്താകൽ ആഘോഷിക്കുന്ന വിരാട് കോഹ്ലിയും ആർ.അശ്വിനും

 

ടോസ് നേടിയ ഒാസീസ് ബാറ്റിങ് തെരഞ്ഞെടുക്കുകയായിരുന്നു.  ഡേ​വി​ഡ്​ വാ​ർ​ണ​റുടെ വിക്കറ്റാണ് ആദ്യം നഷ്ടമായത്. 38 റൺസെടുത്ത് മുന്നേറുകയായിരുന്ന വാർണറെ ഉമേഷ് യാദവാണ് പുറത്താക്കിയത്. മറ്റൊരു ഒാപണിങ് താരം  മാ​റ്റ്​ റെ​ൻ​ഷോ (68) മത്സരത്തിനിടെ പരിക്കേറ്റ് കളത്തിൽ നിന്നും പിൻവാങ്ങിയിരുന്നു. സ്റ്റീവൻ സ്മിത്തിനെ (27) അശ്വിനാണ് പുറത്താക്കിയത്. ഷോൺ മാർഷ് (16), പീറ്റർ ഹാൻഡ്സ്കോമ്പ്(22), മിച്ചൽ മാർഷ് (4), മാത്യൂ വെയ്ഡ്(8) എന്നിവർ ഇന്ത്യൻ ബൗളർമാർക്കു മുന്നിൽ പിടിച്ചു നിൽക്കാനാവാതെ പുറത്തായി. 

മാ​റ്റ്​ റെ​ൻ​ഷോയുടെ ബാറ്റിങ്

 

ഭുവന്വേഷർ കുമാറിന് പകരക്കാരനായി ജ​യ​ന്ത്​ യാ​ദ​വ് ഇന്ത്യയുടെ പതിനൊന്നംഗ ലിസ്റ്റിൽ ഇടംപിടിച്ചു. ഐ.സി.സി റാങ്കിങ്ങിലെ ഒന്നും രണ്ടും സ്ഥാനക്കാരായ ആ​ർ.അ​ശ്വി​നും ര​വീ​ന്ദ്ര ജ​ദേ​ജയുമാണ് ഇന്ത്യൻ ബൗളിങ്ങിന് നേതൃത്വം നൽകുന്നത്. ന​ഥാ​ൻ ലി​യോ​ൺ, സ്​​റ്റീ​വ്​ ഒ ​കീ​ഫ് എന്നീ രണ്ടു സ്പിന്നർമാരെ മാത്രമാണ് ആ​സ്​​ട്രേ​ലി​യ ടീമിലുൾപെടുത്തിയത്.