ആസ്ട്രേലിയക്കെതിരെ പതറുന്നു; ആദ്യ ദിനം ഇന്ത്യക്ക്​ ഒമ്പത്​ വിക്കറ്റ്​ നഷ്​ടം

അ​ഡ്​​ലെ​യ്​​ഡ്​: ഡൗ​ൺ അ​ണ്ട​റി​ൽ ആ​ദ്യ പ​ര​മ്പ​ര​വി​ജ​യം സ്വ​പ്​​നം​ക​ണ്ടി​റ​ങ്ങി​യ ഇ​ന്ത്യ​ക്ക്​ തു​ട​ക്കം പി​ഴ​ച്ച​പ്പോ​ൾ ഒ​രി​ക്ക​ൽ​കൂ​ടി ​ടെ​സ്​​റ്റ്​ സ്​​പെ​ഷ​ലി​സ്​​റ്റ്​ ചേ​തേ​ശ്വ​ർ പു​ജാ​ര ര​ക്ഷ​ക​നാ​യി അ​വ​ത​രി​ച്ചു. ഒ​റ്റ​ക്കു​ മ​ത്സ​രം ജ​യി​പ്പി​ക്കു​ന്ന ക​പ്പി​ത്താ​ൻ വി​രാ​ട്​ കോ​ഹ്​​ലി​യ​ട​ക്കം നി​ഷ്​​പ്ര​ഭ​രാ​യ പ​ര​മ്പ​ര​യി​ലെ ആ​ദ്യ ഇ​ന്നി​ങ്​​സി​ൽ 16ാം സെ​ഞ്ച്വ​റി നേ​ട്ട​വു​മാ​യി ക​ളം​നി​റ​ഞ്ഞ ചേ​തേ​ശ്വ​ർ പു​ജാ​ര​യു​ടെ (123) ഒ​റ്റ​യാ​ൾ ​പ്ര​ക​ട​ന​ത്തി​​െൻറ ബ​ല​ത്തി​ൽ ആ​ദ്യ ടെ​സ്​​റ്റി​​െൻറ ആ​ദ്യ ദി​നം ഇ​ന്ത്യ ഒ​മ്പ​തി​ന്​ 250 എ​ന്ന ഭേ​ദ​പ്പെ​ട്ട നി​ല​യി​ൽ.

സ​മീ​പ​കാ​ല തി​രി​ച്ച​ടി​ക​ളാ​ൽ ദൗ​ർ​ബ​ല്യ​ങ്ങ​ളേ​റെ​യു​​ള്ള ക​ങ്കാ​രു​പ്പ​ട​യെ നി​ഷ്​​പ്ര​ഭ​മാ​ക്കി ച​രി​ത്രം കു​റി​ക്കാ​മെ​ന്ന മോ​ഹ​വു​മാ​യി ഇ​റ​ങ്ങി​യ ​ഇ​ന്ത്യ​ക്കാ​യി​രു​ന്നു ടോ​സ്. ബാ​റ്റി​ങ്​ പി​ച്ചി​ൽ റ​ൺ​മ​ഴ പെ​യ്യി​ക്കാ​ൻ പാ​ഡ്​ കെ​ട്ടി​യ മു​ൻ​നി​ര​ക്കാ​ർ പ​ക്ഷേ, നി​രാ​ശ​പ്പെ​ടു​ത്തി. കെ.​എ​ൽ. രാ​ഹു​ൽ (2), മു​ര​ളി വി​ജ​യ്​ (11), കോ​ഹ്​​ലി (3), അ​ജി​ൻ​ക്യ ര​ഹാ​നെ (13) എ​ന്നി​വ​ർ തീ​ർ​ത്തും മ​ങ്ങി​യ​പ്പോ​ൾ ലോ​വ​ർ മി​ഡി​ൽ ഒാ​ർ​ഡ​റാ​ണ്​ ഭേ​ദ​പ്പെ​ട്ട പ്ര​ക​ട​നം കാ​ഴ്​​ച​വെ​ച്ച​ത്. ടെ​സ്​​റ്റ്​ ടീ​മി​ലേ​ക്ക്​ മ​ട​ങ്ങി​യെ​ത്തി​യ രോ​ഹി​ത്​ ശ​ർ​മ (37), ഋ​ഷ​ഭ്​ പ​ന്ത്​ (25), ​​ര​വി​ച​ന്ദ്ര അ​ശ്വി​ൻ (25) എ​ന്നി​വ​ർ പു​ജാ​ര​ക്ക്​ ന​ൽ​കി​യ പി​ന്തു​ണ​യാ​ണ്​ സ്​​കോ​ർ 250ലെ​ത്തി​ച്ച​ത്.

ത​ക​ർ​ന്ന​ടി​ഞ്ഞ്​ മു​ൻ​നി​ര

സ​ന്നാ​ഹ​മ​ത്സ​ര​ത്തി​ൽ പ​രി​ക്കേ​റ്റ കൗ​മാ​ര​ക്കാ​ര​ൻ പൃ​ഥ്വി ഷാ​യു​ടെ അ​ഭാ​വ​ത്തി​ൽ ഒാ​പ​ണി​ങ്ങി​ന്​ അ​വ​സ​രം ല​ഭി​ച്ച രാ​ഹു​ലും വി​ജ​യും അ​തി​വേ​ഗം മ​ട​ങ്ങി. രാ​ഹു​ലി​നെ​യാ​ണ് ആ​ദ്യം ന​ഷ്​​ട​മാ​യ​ത്. ര​ണ്ടാം ഒാ​വ​റി​ൽ​ത​ന്നെ അ​ല​ക്ഷ്യ​മാ​യി ബാ​റ്റു​വീ​ശി​യ​പ്പോ​ൾ ജോ​ഷ്​ ഹാ​സ​ൽ​വു​ഡി​​െൻറ പ​ന്തി​ൽ തേ​ർ​ഡ്​ സ്ലി​പ്പി​ൽ ആ​രോ​ൺ ഫി​ഞ്ചി​​െൻറ കൈ​ക​ളി​ലൊ​തു​ങ്ങാ​നാ​യി​രു​ന്നു വി​ധി. പി​ന്നാ​ലെ, സ്​​കോ​റി​ങ്ങി​ന്​ വേ​ഗം​കൂ​ട്ടാ​ൻ ശ്ര​മി​ച്ച മു​ര​ളി വി​ജ​യി​യും സ്​​റ്റാ​ർ​ക്കി​​െൻറ പ​ന്തി​ൽ വി​ക്ക​റ്റി​നു​ പി​റ​കി​ൽ നാ​യ​ക​ൻ ടിം ​പെ​യ്​​നി​​ന്​ ക്യാ​ച്ച്​ ന​ൽ​കി പു​റ​ത്താ​യി. പി​ന്നീ​ട്​ വ​ന്ന നാ​യ​ക​ൻ കോ​ഹ്​​ലി​യെ പാ​റ്റ്​ ക​മ്മി​ൻ​സി​​െൻറ പ​ന്തി​ൽ ഗ​ള്ളി​യി​ൽ ഉ​സ്​​മാ​ൻ ഖ്വാ​ജ മ​നോ​ഹ​ര​മാ​യ ഡൈ​വി​ങ്​ ക്യാ​ച്ചി​ലൂ​ടെ അ​വി​ശ്വ​സ​നീ​യ​മാ​യി കൈ​ക​ളി​ലൊ​തു​ക്കി. മൂ​ന്നി​ന്​ 19 എ​ന്ന നി​ല​യി​ൽ വ​ൻ ത​ക​ർ​ച്ച നേ​രി​ട്ട ഇ​ന്ത്യ​ക്കാ​യി ഉ​പ​നാ​യ​ക​ൻ ര​ഹാ​നെ​യും പു​ജാ​ര​യും ഒ​രു​മി​ച്ച​പ്പോ​ൾ പ്ര​തീ​ക്ഷ​യു​യ​ർ​ന്നെ​ങ്കി​ലും അ​ധി​കം ആ​യു​സ്സു​ണ്ടാ​യി​ല്ല. സ്​​കോ​ർ 41ൽ ​നി​ൽ​ക്കെ ​ഹാ​സ​ൽ​വു​ഡി​​െൻറ പ​ന്തി​ൽ സ്ലി​പ്പി​ൽ പീ​റ്റ​ർ ഹാ​ൻ​സ്​​കോ​മ്പി​ന്​ പി​ടി​ന​ൽ​കി ര​ഹാ​നെ​യും മ​ട​ങ്ങി.

പു​ജാ​ര സ്​​പെ​ഷ​ൽ

ല​ഞ്ചി​ന്​ മു​മ്പു​ത​​ന്നെ നാ​ലി​ന്​ 41 എ​ന്ന സ്​​കോ​റി​ലേ​ക്ക്​ കൂ​പ്പു​കു​ത്തി​യ ഇ​ന്ത്യ​യെ ക​ര​ക​യ​റ്റി​യ​ത്​ ഒ​ര​റ്റ​ത്ത്​ ഉ​റ​ച്ചു​നി​ന്ന പു​ജാ​ര​യാ​യി​രു​ന്നു. രോ​ഹി​തി​നൊ​പ്പം 45ഉം ​പ​ന്തി​നൊ​പ്പം 41ഉം ​അ​ശ്വി​നൊ​പ്പം 62ഉം ​റ​ൺ​സ്​ ചേ​ർ​ത്ത പു​ജാ​ര വാ​ല​റ്റ​ക്കാ​രാ​യ ഇ​ശാ​ന്ത്​ ശ​ർ​മ​​ക്കൊ​പ്പം 21ഉം ​മു​ഹ​മ്മ​ദ്​ ഷ​മി​ക്കൊ​പ്പം 40ഉം ​റ​ൺ​സ്​ ചേ​ർ​ത്ത ​േ​ശ​ഷ​മാ​ണ്​ പോ​രാ​ട്ടം അ​വ​സാ​നി​പ്പി​ച്ച​ത്. 246 പ​ന്തി​ൽ ഏ​ഴു​ ഫോ​റും ര​ണ്ടു​ സി​ക്​​സും അ​ട​ക്ക​മാ​യി​രു​ന്നു പു​ജാ​ര​യു​ടെ ഇ​ന്നി​ങ്​​സ്. ഒ​ടു​വി​ൽ 88ാം ഒാ​വ​റി​ൽ റ​ണ്ണൗ​ട്ടാ​യാ​ണ്​ പു​ജാ​ര മ​ട​ങ്ങി​യ​ത്. അ​തോ​ടെ അ​മ്പ​യ​ർ​മാ​ർ ആ​ദ്യ ദി​ന​ത്തി​ലെ ക​ളി അ​വ​സാ​നി​പ്പി​ക്കു​ക​യും ചെ​യ്​​തു.

വ​ൻ​ത​ക​ർ​ച്ച നേ​രി​ട്ടു​കൊ​ണ്ടി​രി​ക്കെ അ​നാ​വ​ശ്യ​മാ​യി കൂ​റ്റ​ന​ടി​ക്ക്​ മു​തി​ർ​ന്ന​താ​ണ്​ ര​ക്ഷ​ക​നാ​കു​മെ​ന്ന്​ തോ​ന്നി​ച്ച രോ​ഹി​ത്​ ശ​ർ​മ​യു​ടെ വി​ക്ക​റ്റ്​ ന​ഷ്​​ട​പ്പെ​ടു​ത്തി​യ​ത്. ന​താ​ൻ ലി​യോ​ൺ എ​റി​ഞ്ഞ 38ാം ഒാ​വ​റി​ലെ ര​ണ്ടാം പ​ന്ത്​ ഉ​യ​ർ​ത്തി​യ​ടി​ച്ച​ത്​ ഫീ​ൽ​ഡ​ർ മാ​ർ​ക​സ്​ ഹാ​രി​സി​നെ മ​റി​ക​ട​ന്ന്​ ക​ഷ്​​ടി​ച്ചാ​ണ്​ സി​ക്​​സ​റാ​യ​ത്. ഗാ​ല​റി​യി​ലെ നെ​ടു​വീ​ർ​പ്പി​ന്​ അ​ധി​കം ആ​യു​സ്സു​ണ്ടാ​യി​ല്ല. തൊ​ട്ട​ടു​ത്ത പ​ന്തും രോ​ഹി​ത്​ ഉ​യ​ർ​ത്തി​യ​ടി​ച്ച​ത്​ ഹാ​രി​സ്​ കൈ​ക​ളി​ലൊ​തു​ക്കി.

പി​ന്നാ​ലെ വ​ന്ന പ​ന്തും വെ​ടി​ക്കെ​ട്ട്​ തീ​ർ​ക്കാ​നു​ള്ള ഒ​രു​ക്ക​ത്തി​ലാ​യി​രു​ന്നു. ലി​യോ​ണി​​െൻറ പ​ന്തി​ൽ പെ​യ്​​നി​ന്​ ക്യാ​ച്ച്​ ന​ൽ​കി പ​ന്ത്​ മ​ട​ങ്ങി​യ ശേ​ഷ​മെ​ത്തി​യ അ​ശ്വി​നാ​ണ്​ ക്ഷ​മ​യോ​ടെ പു​ജാ​ര​ക്ക്​ പി​ന്തു​ണ ന​ൽ​കി​യ​ത്. ക​മ്മി​ൻ​സി​​െൻറ പ​ന്തി​ൽ ഹാ​ൻ​സ്​​കോ​മ്പി​ന്​ പി​ടി ന​ൽ​കി അ​ശ്വി​ൻ മ​ട​ങ്ങി​യ​ശേ​ഷം ഇ​ശാ​ന്തും പി​ടി​ച്ചു​നി​ന്നു. സ്​​റ്റാ​ർ​കി​​െൻറ യോ​ർ​ക്ക​റി​ൽ കു​റ്റി​തെ​റി​ച്ച്​ ഇ​ശാ​ന്ത്​ മ​ട​ങ്ങി​യ​ശേ​ഷം എ​ത്തി​യ ഷ​മി​യും പോ​രാ​ടാ​നു​റ​ച്ചാ​യി​രു​ന്നു. ആ​റു റ​​ൺ​സെ​ടു​ത്ത ഷ​മി​യാ​ണ്​ സ്​​റ്റ​െ​മ്പ​ടു​ക്കു​േ​മ്പാ​ൾ ക്രീ​സി​ലു​ള്ള​ത്.

സ്​​റ്റാ​ർ​ക്, ഹാ​സ​ൽ​വു​ഡ്, ക​മ്മി​ൻ​സ്​ എ​ന്നി​വ​ര​ട​ങ്ങി​യ ഒാ​സീ​സ്​ പേ​സ്​​ത്ര​യ​മാ​ണ്​ കേ​ളി​കേ​ട്ട ഇ​ന്ത്യ​ൻ​നി​ര​യെ ത​ക​ർ​ത്തെ​റി​ഞ്ഞ​ത്. മൂ​വ​രും ഒാ​ഫ്​ സ്​​പി​ന്ന​ർ ലി​യോ​ണും ര​ണ്ടു​ വി​ക്ക​റ്റ്​ വീ​തം വീ​ഴ്​​ത്തി. ഒാ​സീ​സ്​ നി​ര​യി​ൽ ഒാ​പ​ണ​ർ മാ​ർ​ക​സ്​ ഹാ​രി​സ്​ അ​ര​ങ്ങേ​റ്റ മ​ത്സ​ര​ത്തി​നി​റ​ങ്ങി​യ​പ്പോ​ൾ ഇ​ന്ത്യ 12 അം​ഗ ടീ​മി​ൽ ഹ​നു​മ വി​ഹാ​രി​യെ ക​ര​ക്കി​രു​ത്തി രോ​ഹി​തി​ന്​ അ​വ​സ​രം ന​ൽ​കി.

എ​​െൻറ മികച്ച ഇന്നിങ്​സുകളിലൊന്ന്​ -പുജാര

അ​ഡ്​​ലെ​യ്​​ഡ്​: വ്യാ​ഴാ​ഴ്​​ച ആ​സ്ട്രേ​ലി​യ​ക്കെ​തി​രെ നേ​ടി​യ​ത്​ ത​​െൻറ ക​രി​യ​റി​ലെ മി​ക​ച്ച ഇ​ന്നി​ങ്​​സു​ക​ളി​ലൊ​ന്നാ​ണെ​ന്ന്​ ചേ​തേ​ശ്വ​ർ പു​ജാ​ര. ​‘‘ടീ​മം​ഗ​ങ്ങ​ൾ പ​റ​യു​ന്ന​ത്​ ഇ​ത്​ ഏ​റ്റ​വും മി​ക​ച്ച ഇ​ന്നി​ങ്​​സാ​ണെ​ന്നാ​ണ്. എ​ന്നാ​ൽ, ഏ​റ്റ​വും മി​ക​ച്ച അ​ഞ്ച്​ പ്ര​ക​ട​ന​ങ്ങ​ളി​ലൊ​ന്നാ​യാ​ണ്​ ഞാ​നി​തി​നെ കാ​ണു​ന്ന​ത്​’’ -പു​ജാ​ര ആ​ദ്യ ദി​ന​ത്തി​ലെ ക​ളി​ക്കു​ശേ​ഷം മാ​ധ്യ​മ​ങ്ങ​ളോ​ട്​ പ​റ​ഞ്ഞു. ​‘‘മു​ൻ​നി​ര​ക്കാ​ർ ന​ല്ല രീ​തി​യി​ൽ ബാ​റ്റ്​ ചെ​യ്യ​ണ​മാ​യി​രു​ന്നു. ര​ണ്ടാം ഇ​ന്നി​ങ്​​സ്​ ബാ​റ്റ്​ ചെ​യ്യാ​നു​ണ്ട്. പി​ഴ​വു​ക​ളി​ൽ​നി​ന്ന്​ അ​വ​ർ പ​ഠി​ക്കും. ആ​ദ്യ ര​ണ്ടു സെ​ഷ​നി​ൽ ഒാ​സീ​സ്​ മി​ക​ച്ച രീ​തി​യി​ൽ പ​ന്തെ​റി​ഞ്ഞു. ക്ഷ​മ​യോ​ടെ മോ​ശം പ​ന്തു​ക​ൾ കാ​ത്തു​നി​ൽ​ക്കു​ക​യാ​ണ്​ വേ​ണ്ട​തെ​ന്ന്​ മ​ന​സ്സി​ലാ​ക്കി’’ -പു​ജാ​ര കൂ​ട്ടി​ച്ചേ​ർ​ത്തു.