പുണെയോടും തോറ്റു; ബാംഗ്ലൂർ ഐ.പി.എല്ലിൽ നിന്നും ഒൗട്ട്

ഇൗ സീസണിൽ ഇതു രണ്ടാം തവണയാണ്​ ബാംഗ്ലൂർ മൂന്നക്കം കാണാതെ പുറത്താവുന്നത്​. നേരത്തേ കൊൽക്കത്തക്കെതിരായ മത്സരത്തിൽ 49 റൺസിനു പുറത്തായി പുതുചരിത്രം കുറിച്ച്​ നാണംകെട്ടിരുന്നു. ഇൗ തോൽവിയോടെ ഗെയ്​ൽ^എബി^കോഹ്​ലി എന്നീ ത്രിമൂർത്തികളുൾപ്പെടുന്ന വമ്പൻ താരനിരയുള്ള കൊമ്പന്മാർക്ക്​  പ്ലേ ഒാഫിനുള്ള അവസാന സാധ്യതയും അസ്​തമിച്ചു. പത്തു കളിയിൽ ആർ.സി.ബി ജയിച്ചത്​ രണ്ടെണ്ണത്തിൽ മാത്രം. ഏഴു മത്സരങ്ങളിൽ തോറ്റുതൊപ്പിയിട്ടപ്പോൾ, ഹൈദരാബാദിനെതിരായ മത്സരത്തിൽ മഴ​െപയ്​ത്​ സമനിലയിൽ അവസാനിച്ചതോടെ ഒരു പോയൻറ്​ ലഭിച്ചത്​ മിച്ചമെന്ന്​ കരുതാം.ഡൽഹിക്കെതി​രെ 15 റൺസിനും ഗുജറാത്തിനെതിരെ 21 റൺസിനും ജയിച്ചതാണ്​ ഇൗ സീസണിലെ ബാംഗ്ലൂരി​െൻറ രണ്ടു ജയങ്ങൾ. മത്സരത്തിൽ ടോസ്​ നേടിയ വിരാട്​ കോഹ്​ലി പുണെയെ ബാറ്റിങ്ങിനയക്കുകയായിരുന്നു. ഒാപണർമാരായ അജിൻക്യ രഹാനെയും രാഹുൽ ​ത്രിപാഠിയും ശ്രദ്ധയോടെയായിരുന്നു തുടങ്ങിയത്​.

രണ്ടാം ഒാവറിൽ സാമുവൽ ബദ്രീയുടെ പന്തിൽ അജിൻക്യ രഹാനെ (6) പുറത്തായതോടെ ബാംഗ്ലൂരിന്​ പ്രതീക്ഷവന്നെങ്കിലും രാഹുൽ ത്രിപാഠിയും ക്യാപ്​റ്റൻ സ്​റ്റീവ്​ സ്​മിത്തും കളി കൈയി​െലടുത്തു. ഇരുവരും രണ്ടാം വിക്കറ്റിൽ 49 റൺസി​െൻറ കൂട്ടുകെട്ടുണ്ടാക്കി. 37 റൺസെടുത്തുനിൽക്കെ പവൻ നേഗിയുടെ പന്തിൽ ത്രിപാഠിയും പുറത്തായെങ്കിലും മനോജ്​ തിവാരിയെ കൂട്ടുപിടിച്ച്​ സ്​മിത്ത്​ സ്​കോർ ഉയർത്തി. മൂന്നാം വിക്കറ്റിൽ സ്​മിത്തും തിവാരിയും അടിച്ചെടുത്തത്​ 50 റൺസ്​. പിന്നീട്​ സ്​റ്റുവർട്ട്​ ബിന്നിയുടെ പന്തിലാണ്​ സ്​മിത്ത് ​(45) പുറത്താവുന്നത്​. ഒടുവിൽ മനോജ്​ തിവാരിയും (44*) മുൻ ക്യാപ്​റ്റൻ എം.എസ്​. ധോണിയും (21*)പുറത്താവാതെ ടീം സ്​കോർ 157ലേക്കെത്തിച്ചു. പു​െണക്കായി ഇംറാൻ താഹിർ നാല്​ ഒാവറിൽ 18 റൺസ്​ മാത്രം വിട്ടുനൽകി മൂന്നു വിക്കറ്റെടുത്തു. ഇതോടെ ഒമ്പതു കളികളിൽ അഞ്ചു ജയവുമായി പുണെ പ്ലേ ഒാഫ്​ സാധ്യത നിലനിർത്തി.