കൊൽക്കത്തക്ക്​ ജയം; പ്ലേ ഒാഫിൽ

ഹൈദരാബാദ്​: നിർണായക മത്സരത്തിൽ ഹൈദരാബാദ്​ സൺറൈസേഴ്​സിനെ അഞ്ച്​ വിക്കറ്റിന്​ പരാജയപ്പെടുത്തി കൊൽക്കത്ത നൈറ്റ്​റൈഡേഴ്​സ്​ ​പ്ലേ ഒാഫിൽ. ഹൈദരാബാദ്​ കുറിച്ച 173 റൺസ്​ വിജയലക്ഷ്യം ക്രിസ്​ ലിൻ (55), റോബിൻ ഉത്തപ്പ (45), സുനിൽ നരെയ്​ൻ (29) ക്യാപ്​റ്റൻ ദിനേഷ്​ കാർത്തിക്​(26*) എന്നിവരുടെ മികവിൽ അഞ്ച്​ വിക്കറ്റ്​ മാത്രം നഷ്​ടപ്പെടുത്തി കൊൽക്കത്ത ലക്ഷ്യം കണ്ടത്​. ഇതോടെ, പ്ലേ ഒാഫിൽ ഇടം നേടുന്ന മൂന്നാമത്തെ ടീമായി കൊൽക്കത്ത. 

അനയാസേന ലക്ഷ്യത്തിലേക്ക്​ കുതിക്കുകയായിരുന്ന കൊൽക്കത്തക്ക്​ അവസാന ഒാവറിൽ നിതീഷ്​ റാണ​ (7) പുറത്തായത്​ ആശങ്കക്ക്​ വക നൽകിയെങ്കിലും കാർത്തിക്​​ മത്സരത്തിന്​ വിജയകരമായ അന്ത്യം കുറിച്ചു. ആദ്യം ബാറ്റ്​ ചെയ്​ത ഹൈദരാബാദ് മുൻനിര ബാറ്റ്​സ്​മാന്മാരായ ശിഖർ ധവാൻ (50), ശ്രീവത്സ്​ ഗോസ്വാമി (35), ക്യാപ്​റ്റൻ കെയ്​ൻ വില്യംസൺ (36) എന്നിവരുടെ മികവിൽ ​ 20 ഒാവറിൽ ഒമ്പത്​ വിക്കറ്റ്​ നഷ്​ടത്തിൽ 172 റൺസെടുത്തു. മറുപടി ബാറ്റിങ്ങിനിറങ്ങിയ കൊൽക്കത്തക്ക്​ ഒാപണർമാർ അവരാഗ്രഹിച്ച തുടക്കമാണ്​ നൽകിയത്​. ലിന്നും നരെയ്​നും ചേർന്ന്​ നാലാം ഒാവറിൽ സ്​കോർ 50 കടത്തി. 

എന്നാൽ, ആ ഒാവറിൽതന്നെ അപകടകാരിയായ നരെയ്​നെ മടക്കി ശാകിബ്​ അൽ ഹസൻ ഹൈദരാബാദിന്​ ആശ്വാസമേകി. എന്നാൽ, ഉത്തപ്പയെ കൂട്ടുപിടിച്ച്​ പ്രയാണം തുടർന്ന ലിന് സ്​കോർ ഉയർത്തിക്കൊണ്ടിരുന്നു. മൂന്ന്​ സിക്​സും നാല്​ ബൗണ്ടറിയുമടങ്ങുന്നതാണ്​ ലിന്നി​​െൻറ അർധ സെഞ്ച്വറി. ബോർഡിൽ 119 റൺസ്​ ഉള്ളപ്പോൾ മനീഷ്​ പാണ്ഡെക്ക്​ ക്യാച്ച്​ നൽകി ലിൻ മടങ്ങു​േമ്പാൾ സുരക്ഷിതമായ നിലയിലെത്തിയിരുന്നു കൊൽക്കത്തക്ക്​ പിന്നീട്​ മത്സരം വിജയിപ്പിക്കേണ്ട ബാധ്യത മാത്രമേ ഉണ്ടായിരുന്നുള്ളൂ. കൊൽക്കത്തക്കായി പ്ര​സീ​ത്​ ​കൃ​ഷ്​​ണ​ൻ നാ​ല്​ വി​ക്ക​റ്റ്​ വീ​ഴ്​​ത്തി.