മാന്യ ക്രിക്കറ്റ്​ സ്​റ്റേഡിയം നിർമാണം; ടി.സി. മാത്യുവിന്​ മൂന്നുകോടി ലഭിച്ചെന്ന് ആരോപണം

കാസർകോട്​: കേരള ക്രിക്കറ്റ്​ അസോസിയേഷൻ നിർമിക്കുന്ന മാന്യ ക്രിക്കറ്റ്​ സ്​റ്റേഡിയം ഭൂമി ഇടപാടിൽ മൂന്നുകോടിയുടെ അഴിമതി നടന്നതായി ആരോപണം. ആറുമീറ്റർ വീതിയിൽ 32 സ​െൻറുണ്ടായിരുന്ന സ്വാഭാവിക ​തോടും നശിപ്പിച്ചിട്ടുണ്ടെന്ന്​ അഴിമതി വിരുദ്ധ പ്രവർത്തക സംഘടനയായ ജി.എച്ച്​.എം സോഷ്യൽ വെൽ​െഫയർ സൊസൈറ്റി ഭാരവാഹികൾ വാർത്തസമ്മേളനത്തിൽ ആരോപിച്ചു. 

മൊത്തം ഇടപാടിൽ ക്രിക്കറ്റ്​ അസോസ​ിയേഷൻ പ്രസിഡൻറ്​ ടി.സി. മാത്യുവിന്​ മൂന്നുകോടി ലഭിച്ചിട്ടുണ്ട്​. ഇദ്ദേഹത്തി​​െൻറ കാലത്ത്​ നടന്ന എല്ലാ സ്​റ്റേഡിയം നിർമാണ പ്രവർത്തനങ്ങളും അന്വേഷിക്കണം. മാന്യയിൽ സർക്കാർ നിശ്ചയിച്ച, സ​െൻറിന്​ 2500 രൂപയുണ്ടായിരുന്ന ഭൂമിക്ക്​ 56,000 രൂപ നൽകിയാണ് എട്ട്​ ഏക്കർ 22 സ​െൻറ്​ വാങ്ങിയത്​. ഇതിൽ 20 സ​െൻറ് ഇപ്പോൾ​ കാണാനുമില്ല. വിലക്ക്​ വാങ്ങിയ സ്​ഥലത്തിനു ചുറ്റുമുണ്ടായിരുന്ന കരിങ്കൽ കെട്ടിന്​ കാസർകോട്​ ക്രിക്കറ്റ്​ അസോസിയേഷൻ പ്രസിഡൻറ്​ സി.എ. ഹാരിസ്​ കൃത്രിമ ബില്ലും രേഖയുമുണ്ടാക്കി ഏഴുലക്ഷം രൂപ തട്ടിയെടുത്തു. കരാർ പ്രകാരം വസ്​തു വിറ്റവരാണ്​ മണ്ണ്​ നിരപ്പാക്കേണ്ടത്​. വസ്​തു വിറ്റവർ നിരപ്പാക്കിയതിനും ​കാസർകോട്​ ക്രിക്കറ്റ്​ അസോസിയേഷൻ പ്രസിഡൻറ്​ 30 ലക്ഷം രൂപ ഇൗടാക്കിയെന്ന് ഇവർ ആരോപിക്കുന്നു. 

പണം പിൻവലിച്ചതിലും അപാകതകൾ ഉണ്ട്​. കാസർകോട്​ ക്രിക്കറ്റ് അസോസിയേഷന്​ 2016-17 വർഷത്തിൽ 20,60,000 രൂപയാണ്​ അനുവദിച്ചത്​. ഇതിൽനിന്ന് 2,50,000 രൂപ സ്വന്തം പേരിൽ പിൻവലിച്ചിട്ടുണ്ട്​. സ്​റ്റേഡിയത്തി​​െൻറ സമീപത്ത്​ എട്ട്​ ഏക്കർ സർക്കാർ സ്​ഥലം ​ൈകയേറിയിട്ടുണ്ട്​. വില്ലേജ്​ ഒാഫിസർ ശ്രീകുമാറാണ്​ ക്രമക്കേടുകൾക്കും കൂട്ടുനിൽക്കുന്നത്​. ഇതുസംബന്ധിച്ച്​ ഹൈകോടതിയിൽ പരാതി നൽകിയിട്ടുണ്ട്​. ക്രിക്കറ്റ് മേഖലയിലെ അഴിമതി അന്വേഷിക്കുന്ന ജസ്​റ്റിസ് ലോധ കമീഷന്​ രേഖകൾ കൈമാറും. റവന്യൂ മന്ത്രി ഇ. ചന്ദ്രശേഖരന്​ നൽകിയ പരാതി കലക്​ടർക്ക്​ കെമാറിയിട്ടുണ്ടെന്നും ഭാരവാഹികൾ പറഞ്ഞു. വാർത്തസമ്മേളനത്തിൽ ജില്ല സെക്രട്ടറി ബുർഹാനുദ്ദീൻ അബ്​ദുല്ല, സ്വഫാൻ, സാദിഖ്​ ചെർളടുക്ക, താജുദ്ദീൻ ചേര​ൈങ്ക എന്നിവർ സംബന്ധിച്ച​ു.