മി​സ്​ യൂ ​സ്​​റ്റാ​ർ​സ്...

െഎ.പി.എൽ 10ാം സീസണിന് കൊടിയേറുേമ്പാൾ ആരാധകർക്ക് നിരാശയായി സൂപ്പർ താരങ്ങളുടെ അസാന്നിധ്യവും. ഇന്ത്യൻ ക്യാപ്റ്റൻ വിരാട് കോഹ്ലി മുതൽ ദക്ഷിണാഫ്രിക്കയുടെ വെടിക്കെട്ടുകാരൻ എബി ഡിവില്ലിയേഴ്സ് വരെ പരിക്കിെൻറ പിടിയിലായതോടെ വെടിക്കെട്ടില്ലാത്ത പൂരംപോലെയാവുമോ ഇൗ സീസൺ. 

1. വിരാട് കോഹ്ലി (ബാംഗ്ലൂർ): നായകെൻറ പരിക്ക് ബാംഗ്ലൂരിന് കനത്തനഷ്ടം. റാഞ്ചി ടെസ്റ്റിനിടെ തോളിന് പരിക്കേറ്റ കോഹ്ലിയുടെ കാര്യം രണ്ടാഴ്ചക്കകം തീരുമാനിക്കാമെന്ന് ബി.സി.സി.െഎ. അഞ്ചോ ആറോ കളിയിൽ കോഹ്ലിയില്ലാതെയാവും ആർ.സി.ബി ഇറങ്ങുക. 
2.  
3. എബി ഡിവില്ലിയേഴ്സ് (ബാംഗ്ലൂർ): പുറംവേദനയെ തുടർന്ന് താരത്തിന് കൂടുതൽ വിശ്രമം വേണമെന്ന് കോച്ച് ഡാനിയേൽ വെറ്റോറി.  
4. ലോകേഷ് രാഹുൽ (ബാംഗ്ലൂർ): ടെസ്റ്റ് പരമ്പരക്കിടെ പരിക്കേറ്റ ലോകേഷിന് സീസൺ പൂർണമായും നഷ്ടമാവും. 
5. ക്വിൻറൺ ഡികോക് (ഡൽഹി): വിരലിനേറ്റ പരിക്കു കാരണം ഡികോക് പിൻവാങ്ങി. 
6. മുരളി വിജയ് (പഞ്ചാബ്): തോളിന് പരിക്കേറ്റ വിജയിന് ശസ്ത്രക്രിയ നിർദേശിച്ചു. ജൂൈലയിൽ മാത്രം തിരിച്ചുവരവ്.
7. മാർടിൻ ഗുപ്റ്റിൽ (പഞ്ചാബ്): സീസൺ പൂർണമായും നഷ്ടം. പേശീവേദനയെ തുടർന്ന് വിശ്രമത്തിലായ ഗുപ്റ്റിലിന് ചാമ്പ്യൻസ് ട്രോഫിയിൽ മാത്രം മടങ്ങിവരവ്. 
8. ഡ്വെയ്ൻ ബ്രാവോ (ഗുജറാത്ത്): സീസണിലെ ആദ്യ ഘട്ടങ്ങൾ നഷ്ടമാവും. പേശീ വേദനയെ തുടർന്ന് വിശ്രമത്തിലായ ബ്രാവോ അഞ്ച്-ആറ് മത്സരങ്ങൾക്കുശേഷം ടീമിനൊപ്പം ചേരും. 
9. മിച്ചൽമാർഷ് (പുണെ): ഇന്ത്യൻ പരമ്പരക്കിടെ പരിക്കേറ്റ് നാട്ടിലേക്ക് മടങ്ങിയ മാർഷിന് െഎ.പി.എൽ സീസണും ചാമ്പ്യൻസ് ട്രോഫി, ആഷസ് പരമ്പര എന്നിവയും നഷ്ടമാവും. 
10. രവീന്ദ്ര ജദേജ (ഗുജറാത്ത്): ആദ്യ ഒന്നോ രണ്ടോ മത്സരങ്ങൾക്കുശേഷം തിരിച്ചെത്തുമെന്ന് റിപ്പോർട്ട്. സീസണിൽ ഉജ്ജ്വല ഫോമിലുള്ള താരം. 
11. ആർ. അശ്വിൻ (പുെണ): സീസൺ പൂർണമായും നഷ്ടം. എട്ടാഴ്ച വിശ്രമമാണ് നിർദേശിച്ചത്. തിരിച്ചുവരവ് ജൂണിൽ. 
12. ഉമേഷ് യാദവ് (കൊൽക്കത്ത): ആദ്യ രണ്ടുകളി കഴിഞ്ഞ് തിരിച്ചെത്തും. 13ന് പഞ്ചാബിനെതിരായ ഹോം മാച്ചിൽ യാദവ് കളിക്കുമെന്ന് ടീം മാനേജ്മെൻറ്. 
13. ടിം സൗത്തി (മുംബൈ): പേശീവേദനയെ തുടർന്ന് ദക്ഷിണാഫ്രിക്കക്കെതിരായ ടെസ്റ്റിൽനിന്ന് പുറത്തായ കിവീസ് താരത്തിെൻറ വിശദാംശങ്ങൾ മുംബൈക്ക് ഇതുവരെ ലഭ്യമായിട്ടില്ല.