മോണി മോർക്കൽ വിരമിക്കുന്നു; ആസ്​ട്രേലിയക്കെതിരെ അവസാന പരമ്പര

ജൊഹാനസ്​ബർഗ്​: ​ദക്ഷിണാഫ്രിക്കൻ പേസ്​ ബൗളർ മോണി മോർക്കൽ അന്താരാഷ്​ട്ര ക്രിക്കറ്റിൽനിന്ന്​ വിരമിക്കുന്നു. അടുത്തമാസം തുടങ്ങുന്ന ആസ്​ട്രേലിയക്കെതിരായ പരമ്പരക്ക്​ പിന്നാലെ കളി നിർത്തുമെന്ന്​ മോർക്കൽ അറിയിച്ചു. അന്താരാഷ്​ട്ര ക്രിക്കറ്റിലെ തിരക്കുപിടിച്ച ​കളിമൂലം കുടുംബത്തിന്​ വേണ്ടി വേണ്ടത്ര സമയം നീക്കിവെക്കാൻ സാധിക്കുന്നില്ലെന്ന്​ വ്യക്തമാക്കിയാണ്​ 33കാര​​െൻറ വിരമിക്കൽ തീരുമാനം. 

‘‘ഏറെ പ്രയാസത്തോടെയെടുത്ത തീരുമാനമാണിത്​. എന്നാൽ, പുതിയ ഇന്നിങ്​സ്​ തുടങ്ങാൻ ഇതാണ്​ യോജിച്ച സമയമെന്ന്​ തിരിച്ചറിയുന്നു. തിരക്കുപിടിച്ച അന്താരാഷ്​ട്ര ഷെഡ്യൂൾ എ​​െൻറയും കുടുംബത്തി​​െൻറയും​േമൽ കടുത്ത സമ്മർദമാണ്​ വരുത്തുന്നത്​. മുന്നോട്ടുള്ള ജീവിതത്തിന്​ ഇൗ തീരുമാനമാണ്​ കൂടുതൽ യോജിക്കുക എന്ന്​ മനസ്സിലാക്കുന്നു’’ -ക്രിക്കറ്റ്​ സൗത്ത്​ ആഫ്രിക്ക വഴി പുറത്തുവിട്ട പ്രസ്​താവനയിൽ മോർക്കൽ പറഞ്ഞു. 

2006ൽ ഇന്ത്യക്കെതിരെ ടെസ്​റ്റിൽ അരങ്ങേറിയ ഇൗ വലംകൈയൻ പേസ്​ ബൗളർ 83 കളികളിൽ  294 വിക്കറ്റുമായി ദക്ഷിണാഫ്രിക്കൻ ബൗളർമാരിൽ അഞ്ചാം സ്ഥാനത്താണ്​. 117 ഏകദിനങ്ങളിൽ 188ഉം 44 ട്വൻറി20കളിൽ 47 വിക്കറ്റും വീഴ്​ത്തിയിട്ടുണ്ട്​ ആറടി അഞ്ചിഞ്ചുകാരൻ. ഡെയ്​ൽ സ്​റ്റെയ്​നിനും വെർനൻ ഫിലാൻഡറിനുമൊപ്പം ലോകത്തിലെ തന്നെ മികച്ച പേസ്​ ബൗളിങ്​ ത്രയത്തി​​െൻറ ഭാഗമായിരിക്കെയുള്ള​ മോർക്കലി​​െൻറ വിടവാങ്ങൽ ദക്ഷിണാഫ്രിക്കക്ക്​ വൻ നഷ്​ടമാവും. മുൻ ക്രിക്കറ്റർ ആൽബർട്ട്​ മോർക്കലി​​െൻറ മകനായ മോണിയുടെ മൂത്ത സഹോദരൻ ആൽബി മോർക്കലും അന്താരാഷ്​ട്ര താരമാണ്​.