മൊ​ട്ടേരയിലെ വലിയ കളിമുറ്റം ഒരുങ്ങുന്നു; ഉദ്​ഘാടനം മാർച്ചിൽ

അഹ്​മദാബാദ്​: ലോകത്തിലെ ഏറ്റവും വലിയ ക്രിക്കറ്റ്​ സ്​റ്റേഡിയം അടുത്ത വർഷം മാർച്ചിൽ ഇന്ത്യ കായിക ലോകത്തിന്​ സമർപ്പിക്കും​. അഹ്​മദാബാദ്​ മൊ​ട്ടേരയിലെ സർദാർ പ​ട്ടേൽ സ്​റ്റേഡിയമാണ്​ 1,10,000 കാണികൾക്ക്​ ഒരേ സമയം മത്സരം കാണാൻ അവസരമൊരുക്കുന്ന തരത്തിൽ നവീകരിക്കുന്നത്​​​.

54,000 സീറ്റുകളുണ്ടായിരുന്ന സ്​റ്റേഡിയത്തി​​െൻറ നവീകരണം പൂർത്തിയാകുന്നതോടെ വിഖ്യാതമായ മെൽബൺ ക്രിക്കറ്റ്​ ഗ്രൗണ്ടിനെയാണ് (ലക്ഷം സീറ്റുകൾ)​ മറികടക്കുക. ഏഷ്യ ഇലവനും ലോക ഇലവനും തമ്മിൽ നടക്കുന്ന പ്രദർശന മത്സരത്തോടെ മൈതാനത്തിൽ കളിയാരവത്തിന്​ തുടക്കമിടാനാണ്​ ഗുജറാത്ത്​ ക്രിക്കറ്റ്​ അസോസിയേഷൻ ലക്ഷ്യമിടുന്നത്​.

2017 ജനുവരിയിൽ പണിതുടങ്ങിയ സ്​റ്റേഡിയത്തി​​െൻറ നിർമാണത്തിനായി 700 കോടിയാണ്​ ചെലവിടുന്നത്​. മൂന്ന്​ പരിശീലന മൈതാനങ്ങൾ, ഇൻഡോർ ക്രിക്കറ്റ്​ അക്കാദമി, 70 കോർപറേറ്റ്​ ബോക്​സ്​, നാല്​ ഡ്രസിങ്​ റൂം, ക്ലബ്​ ഹൗസ്​, ഒളിമ്പിക്സ്​ സമാനമായ​ നീന്തൽ കുളം എന്നിവ ഉൾക്കൊള്ളുന്നതാണ്​ സ്​റ്റേഡിയം. 66,000 കാണികളെ ഉൾക്കൊള്ളുന്ന ​െകാൽക്കത്ത ഈഡൻ ഗാർഡൻസാണ്​ നിലവിൽ ഇന്ത്യയിലെ ഏറ്റവും വലിയ സ്​റ്റേഡിയം.