കോഹ്​ലി ആത്മവിശ്വാസം നൽകുന്നു, ധോണി സ്വാത​ന്ത്ര്യവും -കുൽദീപ്​ യാദവ്​

ന്യൂഡൽഹി: കൈക്കുഴ​ സ്​പിന്നർമാരായ കുൽദീപ്​ യാദവും യുസ്​വേന്ദ്ര ചഹലും ഇന്ത്യൻ ബൗളിങ്ങി​​​െൻറ കുന്തമുനയാണ്​. മിഡിൽ ഒാവറുകളിൽ റൺസ്​ തടഞ്ഞും വിക്കറ്റ്​ വീഴ്​ത്തിയും കളിതിരിക്കുന്നതിൽ ഇരുവരും മിടുക്കർ. ടീമിൽ ക്യാപ്​റ്റൻ വിരാട്​ കോഹ്​ലിയും വിക്കറ്റ്​ കീപ്പർ എം.എസ്.​ ധോണിയും നൽകുന്ന പിന്തുണ ചെറുതല്ലെന്ന്​ കുൽദീപ്​ യാദവ്​ പറയുന്നു.

‘‘വിരാട്​ കോഹ്​ലി ആത്മവിശ്വാസം നൽകിക്കൊണ്ടേയിരിക്കും. ഒരോവറിൽ ഒന്നിലധികം സിക്​സോ, ഫോറോ വഴങ്ങേണ്ടിവന്നാൽ ക്യാപ്​റ്റ​​​െൻറ ഭാഗത്തുനിന്നുണ്ടാവുന്ന മാനസികമായ ആത്മവിശ്വാസം വലുതാണ്​. അതുപോലെതന്നെ എം.എസ്​ ധോണിയും. ധോണി എല്ലാം പ്രശ്​നങ്ങൾക്കുമുള്ള പരിഹാരമാണ്​. വിക്കറ്റിനു പിന്നിൽ സൂക്ഷ്​മതയോടെയിരിക്കുന്ന ധോണിക്ക്​ ബാറ്റ്​സ്​മാ​​​െൻറ ശരീരഭാഷ പെ​െട്ടന്ന്​ മനസ്സിലാകും. അതനുസരിച്ച്​ ബൗൾ ചെയ്യാൻ എനിക്കും ചഹലിനും ലഭിക്കുന്ന ഉപദേശം വലിയകാര്യമാണ്​. കോഹ്​ലിയും ധോണിയും ഇന്ത്യയുടെ ന​െട്ടല്ലാണെന്നും താരം പറഞ്ഞു.

ചഹലും കുൽദീപും ഇന്ത്യൻ ടീമിന്​ കഴിഞ്ഞ രണ്ടു വർഷങ്ങളിൽ വലിയ സംഭാവനയാണ്​ നൽകിയത്​. 44 ഏകദിനത്തിൽ കുൽദീപ്​ 87 വിക്കറ്റ്​​ വീഴ്​ത്തിയപ്പോൾ, ചഹൽ 42 മത്സരങ്ങളിൽനിന്ന്​ കൊയ്​തത്​ 72 വിക്കറ്റാണ്​. ആദ്യ ലോകകപ്പിൽ​തന്നെ മികവ്​ തെളിയിച്ച്​ ക്രിക്കറ്റ്​ ആരാധകർക്കിടയിൽ ഹീറോയാവാനുള്ള ഒരുക്കത്തിലാണ്​ ഇരുവരും.