ഫീൽഡിങ്ങിലെ പഴുതടച്ചത്​ നിർണായകമായി -എം.എസ്​. ധോണി

ന്യൂഡൽഹി: ഡൽഹിയെ കൂറ്റൻ സ്​കോറിലേക്കെത്തിക്കാതെ ഫീൽഡിങ്ങിൽ പഴുതടച്ചതിനാലാണ്​ കളി ജയിക്കാനായതെന്ന്​ ചെന്ന ൈ സൂപ്പർ കിങ്​സ്​ ക്യാപ്​റ്റൻ എം.എസ്.​ ധോണി. ഡൽഹി ക്യാപിറ്റൽസിനെതിരെ ആറു വിക്കറ്റി​​െൻറ ജയം നേടിയതിനുശേഷം പ്ര തികരിക്കുകയായിരുന്നു ചെന്നൈ ക്യാപ്​റ്റൻ.

‘‘മികച്ച ഫീൽഡിങ്​ താരങ്ങൾ ഞങ്ങൾക്കില്ല. പക്ഷേ, കുറ്റമറ്റ രീതിയിൽ ഫീൽഡ്​ കവർ ചെയ്യാൻ ഞങ്ങൾക്കാവുന്നുണ്ട്​. രണ്ടു മത്സരത്തിലും ഞങ്ങളത്​ തെളിയിച്ചു. നീണ്ട അനുഭവ സമ്പത്തുള്ള താരങ്ങൾക്ക്​ ഫീൽഡിങ്ങിൽ തെറ്റില്ലാതെ മുന്നേറാനാവുന്നു. ബാറ്റിങ്ങിലും ബൗളിങ്ങിലും ഇത്​ ഗുണം ചെയ്യുന്നുണ്ട്​’’ -ധോണി പറഞ്ഞു.

മത്സരത്തിൽ ആദ്യ ബാറ്റുചെയ്​ത ഡൽഹി ക്യാപിറ്റൽസ്​ നിശ്ചിത ഒാവറിൽ ആറു വിക്കറ്റ്​ നഷ്​ടത്തിൽ 147 റൺസെടുത്തിരുന്നു. എന്നാൽ, മറുപടി ബാറ്റിങ്ങിനിറങ്ങിയ ചെന്നൈ ഷെയ്​ൻ വാട്​സ​​െൻറ (26 പന്തിൽ 44) മികവിൽ കളി ജയിച്ചു. എം.എസ്.​ ധോണിയും (32*) സു​േരഷ്​ റെയ്​നയും (30) നിർണായക പിന്തുണ നൽകി.