വ്യാജ സർട്ടിഫിക്കറ്റ്​; വനിതാ ​ക്രിക്കറ്റ്​ താരത്തെ പൊലീസ്​ സൂപ്രണ്ട്​ പദവിയിൽ നിന്ന്​ തരംതാഴ്​ത്തും

അമൃത്​സർ: വ്യാജ ഡിഗ്രി സർട്ടിഫിക്കറ്റ്​ കാട്ടിയതി​​​െൻറ പേരിൽ ഇന്ത്യൻ വനിതാ ക്രിക്കറ്റ്​ ടീം നായിക ഹർമൻപ്രീത്​ കൗറിനെ പൊലീസ്​ പദവിയിൽ നിന്നും തരം താഴ്​ത്താനൊരുങ്ങി പഞ്ചാബ്​ സർക്കാർ. അർജുന പുരസ്​കാര ജേത്രിയുമായ ഹർമൻപ്രീതിനെ ഡെപ്യൂട്ടി പൊലീസ്​ സൂപ്രണ്ട്​ പദവിയിൽ നിന്ന്​ കോൺസ്റ്റബിൾ തസ്​തികയിലേക്കാണ്​​ തരംതാഴ്​ത്താനൊരുങ്ങുന്നത്​. നാല്​ മാസത്തോളമായി താരം പൊലീസിൽ ​സേവനം ചെയ്തു വരികയായിരുന്നു.

അതേസമയം ചൗധരി ചരൺ സിങ്​ യൂണിവേഴ്​സിറ്റിയിൽ നിന്നും ലഭിച്ച ഡിഗ്രീ സർട്ടിഫിക്കറ്റ്​ വ്യാജമാണെന്ന് താൻ അറിഞ്ഞിരുന്നില്ലെന്ന്​ ഹർമൻപ്രീത് സർക്കാരിനെ അറിയിച്ചിരുന്നു. ഇതേ തുടർന്നാണ്​ മുഖ്യമന്ത്രി അമരീന്ദർ സിങ്​ നടപടിയെടുത്തതെന്നും റിപ്പോർട്ടുകളുണ്ട്​. 

പരീക്ഷയുമായി ബന്ധപ്പെട്ട കാര്യങ്ങളിൽ അയവുള്ള യൂണിവേഴ്​സിറ്റിയായിരുന്നു​ ചൗധരി ചരൺ സിങ്​. കായിക താരമെന്ന നിലയിൽ അത്​ ഉപകരിക്കുന്നതിനാൽ കോച്ചായിരുന്നു അവിടെ അപേക്ഷ നൽകാൻ നിർദേശിച്ചത്​. എന്നാൽ അവർ നൽകിയ സർട്ടിഫിക്കേറ്റ്​ വ്യാജമായിരുന്നുവെന്ന കാര്യം ഇ​പ്പോഴാണ്​ അറിഞ്ഞതെന്നും ഹർമൻപ്രീത്​ വ്യക്​തമാക്കി.

നിലവിൽ ഹയർ സെക്കൻറഡി യോഗ്യതയുള്ള താരത്തെ കോൺസ്റ്റബിൾ സ്ഥാനത്തേക്ക്​ തരംതാഴ്​ത്തുകയും തുടർന്ന്​ ഡിഗ്രി യോഗ്യത നേടുകയാ​ണെങ്കിൽ സ്ഥാനം ഉയർത്തുമെന്നും സർക്കാർ അറിയിച്ചു. 

മീറത്ത്​ യൂണിവേഴ്​സിറ്റിയിൽ ഹർമൻപ്രീതി​​​െൻറ സർട്ടിഫിക്കറ്റ്​ പരിശോധനക്കയച്ചതോടെയാണ്​ വ്യാജമാണെന്ന്​ കണ്ടെത്തിയത്​. കഴിഞ്ഞ വർഷം നടന്ന വനിതാ ലോകകപ്പ്​ ക്രിക്കറ്റിലെ പ്രകടനത്തെ തുടർന്ന്​ മുഖ്യമന്ത്രി അമരീന്ദർ സിങ്ങാണ്​ താര​ത്തിന്​ സർക്കാർ​ ജോലി വാഗ്​ദാനം ചെയ്​തത്​.