രഞ്​ജി ട്രോഫി: ഹരിയാനക്ക്​ വിക്കറ്റ്​ വീഴ്​ച; കേരളം സ്വപ്​നനേട്ടത്തിന് അരികെ

റോത്തക്​: കേരള ക്രിക്കറ്റ്​ കാത്തിരുന്ന സ്വപ്​നനേട്ടം കൈയെത്തും അകലെ. അട്ടിമറികളൊന്നും സംഭവിച്ചില്ലെങ്കിൽ രഞ്​ജി ട്രോഫി ഗ്രൂപ്​ ‘ബി’യിലെ അവസാന മത്സരത്തിൽ ഹരിയാനയെ വീഴ്​ത്തി കേരളത്തിന്​ നോക്കൗട്ട്​ റൗണ്ടിൽ ഇടം ഉറപ്പിക്കാം. അതേസമയം, ജയ്​പുരിൽ സൗരാഷ്​ട്ര രാജസ്​ഥാനെതിരെ ഇന്നിങ്​സ്​ വിജയത്തി​നരികെ.സ്​കോർ ചുരുക്കത്തിൽ: ഹരിയാന -208, 83/5, കേരളം 389.

ഒന്നാം ഇന്നിങ്​സിൽ 181 റൺസ്​ ലീഡ്​ നേടിയ കേരളം, രണ്ടാം ഇന്നിങ്​സിൽ  ഹരിയാനയെ 83 റൺസിന്​ അഞ്ചു വിക്കറ്റ്​ വീഴ്​ത്തി വിജയപ്രതീക്ഷ സജീവമാക്കിയാണ്​ തിങ്കളാഴ്​ച സ്​റ്റം​െപടുത്തത്​. ഒരു ദിനം ബാക്കിനിൽക്കെ 98 റൺസിന്​ പിന്നിലുള്ള ആതിഥേയരുടെ ശേഷിച്ച അഞ്ചു​ വിക്കറ്റുകൾകൂടി എളുപ്പം പുറത്താക്കിയാൽ കേരളത്തെ കാത്തിരിക്കുന്നത്​ ഇന്നിങ്​സ്​ വിജയം. എങ്കിൽ ബോണസ്​ പോയൻറ്​ കൂടി​ നേടി ഗ്രൂപ്പിൽ മുൻനിരയിലെത്തി നോക്കൗട്ട്​ റൗണ്ട്​ ഉറപ്പിക്കാം. അതേസമയം, രണ്ടാം ഇന്നിങ്സിൽ ബാറ്റ്​ ചെയ്​ത്​ ജയിച്ചാൽ റൺനിരക്കിലെ മികവിനെ ​ആശ്രയിച്ച്​ മുന്നേറാനാവും.

മൂന്നാം ദിനം മൂന്നു വിക്കറ്റ്​ നഷ്​ടത്തിൽ 203 റൺസ്​ എന്നനിലയിൽ ഇന്നിങ്​സ്​ പുനരാരംഭിച്ച കേരളം ​വേഗത്തിൽ റൺസ്​ സ്​കോർ ചെയ്യാനാണ്​ ശ്രമിച്ചത്​. രോഹൻ പ്രേമും (93) ബേസിൽ തമ്പിയും (60) നടത്തിയ വെടിക്കെട്ടിലേക്ക്​ മുഹമ്മദ്​ അസ്​ഹറുദ്ദീൻ (34), സൽമാൻ നിസാർ (33), എം.ഡി. നിധീഷ്​ (22 നോട്ടൗട്ട്​) എന്നിവരും കാര്യമായ സംഭാവന നൽകി. ഇതിനിടെ, സചിൻ ബേബി (0) റൺസൊന്നുമെടുക്കാതെ മടങ്ങിയെങ്കിലും റൺസൊഴുക്ക്​ കുറഞ്ഞില്ല. ചായക്കുമുമ്പ്​ കേരളത്തി​​​െൻറ ഇന്നിങ്​സ്​ 389ൽ അവസാനിച്ചു. 

രണ്ടാം ഇന്നിങ്​സ്​ ആരംഭിച്ച ഹരിയാനയെ എളുപ്പത്തിൽ കീഴടക്കാനായിരുന്നു കേരള ബൗളർമാരുടെ ശ്രമം. സന്ദീപ്​ വാര്യർ എറിഞ്ഞ രണ്ടാം ഒാവറിൽ തന്നെ ഇതി​​​െൻറ ഫലം കണ്ടു. ഒാപണർ ഗുൺതഷ്​വീർ സിങ്​ (3) സചിൻ ബേബിക്ക്​ പിടികൊടുത്ത്​ മടങ്ങി. പിന്നാലെ ജലജ്​ സക്​സേന രംഗം ഏറ്റെടുത്തു. ശുഭം റോഹില്ല (10), ചൈതന്യ ബിഷ്​ണോയ്​ (15) എന്നിവരെ സക്​സേന പുറത്താക്കി. അടുത്ത രണ്ടുപേരെയും ബേസിൽ തമ്പിയാണ്​ മടക്കിയത്​. ചൗഹാൻ (6), ​രോഹിത്​ ശർമ (4) എന്നിവർ ഒറ്റയക്കത്തിൽ മടങ്ങി. അഞ്ചിന്​ 61 റൺസ്​ എന്നനിലയിൽ വൻ തകർച്ച. തിങ്കളാഴ്​ച കളി അവസാനിക്കു​േമ്പാൾ രജത്​ പലിവാലും (25) ക്യാപ്​റ്റൻ അമിത്​ മിശ്രയുമാണ്​ (15) ക്രീസിൽ. 22 റൺസ്​ നേടിയ ഇൗ കൂട്ടുകെട്ട്​ നങ്കൂരമിടും മുമ്പ്​ അവസാനിപ്പിക്കാനാവും ഇന്ന്​ കേരളത്തി​​​െൻറ ശ്രമം. വിജയം കണ്ടാൽ പത്തു വർഷത്തിനിടെ ആദ്യ നോക്കൗട്ട്​ റൗണ്ട്​. 

മറ്റു​ സ്​കോറുകൾ:
ഝാർഖണ്ഡ്​ 242, 106​/2. ഗുജറാത്ത്​ 411 (രണ്ടാം ഇന്നിങ്​സിൽ ഝാർഖണ്ഡ്​ 63 റൺസ്​ പിന്നിൽ).
സൗരഷ്​ട്ര 534. രാജസ്​ഥാൻ 275, 13​/0 (ഫോളോഒാൺ വഴങ്ങിയ രാജസ്​ഥാൻ 246 റൺസ്​ പിന്നിൽ)

​ഗ്രൂപ്​ ‘ബി’ പോയൻറ്​ പട്ടിക (ആദ്യ മൂന്നു​ ടീം)
ടീം, കളി, ജയം, തോൽവി, സമനില, റൺറേറ്റ്​, പോയൻറ്​ ക്രമത്തിൽ
ഗുജറാത്ത്​ 5-4-0-1-(+0.043) -27
കേരളം 5-4-1-0-(+0.627)-24
സൗരാഷ്​ട്ര 5-3-1-1-(+0.209)-23
(പോയൻറ്​ സ്​കോറിങ്​: ജയം 6, ഇന്നിങ്​സ്​ ജയം 7)