രഞ്​ജി: കേരളം തകർന്നു; ആറു താരങ്ങൾ രണ്ടക്കം കാണാതെ പുറത്ത്​

ചെന്നൈ: രഞ്​ജി ട്രോഫി മത്സരത്തിൽ തമിഴ്​നാടിനെതിരെ കേരള പതറുന്നു. രണ്ടാം ദിനം അവസാനിക്കു​േമ്പാൾ, ഒമ്പതു വിക് കറ്റ്​ നഷ്​ടത്തിൽ 151 റൺസ്​ എന്ന നിലയിലാണ്​. ഒരു വിക്കറ്റ്​ മാത്രം കൈയിലുള്ള കേരളം 117 റൺസ്​ പിന്നിൽ​. സ്​കോർ: തമിഴ ്​നാട്​-269/10, കേരളം-151/9.​

ആറിന്​ 249 എന്നനിലയിൽ രണ്ടാം ദിനം ബാറ്റിങ്​ തുടർന്ന ആതിഥേയരെ 20 റൺസ്​ കൂട്ടിച്ചേർക്കുന്നതിനിടെ പുറത്താക്കിയെങ്കിലും കേരള താരങ്ങൾ ബാറ്റിങ്ങിൽ പൂർണ പരാജയമായി. നിലയുറപ്പിക്കും മു​​േമ്പ കേരളത്തി​​െൻറ ജലജ്​ സക്​സേന (4) പുറത്തായതോടെ താരങ്ങൾക്ക്​​ ആത്മവിശ്വാസം നഷ്​ടമായി. പിന്നീടങ്ങോട്ട്​ കൂട്ടത്തകർച്ചയായിരുന്നു.

അർധസെഞ്ച്വറിയുമായി പിടിച്ചുനിന്ന പി. രാഹുലി​​െൻറ (59) ബാറ്റിങ്​ പ്രകടനമാണ്​ കേരളത്തിന്​ നേരിയ ആശ്വാസമായത്​. അരുൺ കാർത്തിക്​ 22 റൺസുമായി പുറത്തായപ്പോൾ, സഞ്​ജു വി. സാംസൺ (9), ക്യാപ്​റ്റൻ സചിൻ ബേബി (1), വാസുദേവൻ ജഗദീഷ് ​(8), വിക്കറ്റ്​ കീപ്പർ വിഷ്​ണു വിനോദ്​ (0), ബേസിൽ തമ്പി (2) എന്നിവർ രണ്ടക്കംപോലും കാണാതെ മടങ്ങി. അ​ക്ഷയ്​ ചന്ദ്രൻ 14 റൺസെടുത്തു. ഷിജോം ജോസഫും (28) സന്ദീപ്​ വാര്യരുമാണ് ​(0) ക്രീസിൽ​. ടി. നടരാജൻ, രാഹിൽ ഷാ എന്നിവർ തമിഴ്​നാടിനായി മൂന്നു​ വിക്കറ്റ്​ വീതം വീഴ്​ത്തി.