രഞ്​ജിയിൽ ചരിത്ര വിജയം; കേരളം ക്വാർട്ടറിൽ

റോത്തക്​: പതിറ്റാണ്ടുകളായി കേരള ക്രിക്കറ്റ്​ കാത്തിരുന്ന സ്വപ്​നം സാക്ഷാത്​കരിക്കപ്പെട്ടു. വമ്പന്മാർ വാഴുന്ന രഞ്​ജി ട്രോഫി ക്രിക്കറ്റിൽ ചരിത്രത്തിലാദ്യമായി കേരളത്തിന്​ ക്വാർട്ടർ ഫൈനൽ പ്രവേശനം. അനന്തപത്മനാഭൻ മുതൽ സുനിൽ ഒയാസിസും സോചി ചെറുവത്തൂരും എസ്​. ശ്രീശാന്തും വരെയുള്ള പ്രതിഭകളിലൂടെ കേരളം മോഹിച്ച സ്വപ്​നം പൂവണിയുന്നത്​ സചിൻ ബേബിയും സഞ്​ജു സാംസണും ബേസിൽ തമ്പിയും ഉൾപ്പെടെയുള്ള യുവതാരങ്ങളിലൂടെ. ഗ്രൂപ്​ ‘ബി’യിലെ അവസാന മത്സരത്തിൽ ഹരിയാനയെ ഇന്നിങ്​സിനും എട്ടു റൺസിനും കീഴടക്കിയാണ്​ കേരളം അരനൂറ്റാണ്ടിലേറെ നീണ്ട രഞ്​ജി സീസണിലെ ഏറ്റവും മികച്ച നേട്ടം സ്വന്തമാക്കിയത്​. 

കേരളാ രഞ്ജി ക്രിക്കറ്റ് ടീം

 

ഗ്രൂപ്പിൽ ഗുജറാത്തും സൗരാഷ്​ട്രയും തീർത്ത വെല്ലുവിളികൾക്കിടെയായിരുന്നു അവസാന മത്സരത്തിൽ അനായാസ ജയം പിറന്നത്​. ആറു​ കളിയിൽ 34 ജയവുമായി ഗുജറാത്ത്​ ഒന്നാമതായപ്പോൾ, 31 പോയൻറുമായി കേരളം രണ്ടാം സ്​ഥാനക്കാരായി. എന്നാൽ, നിർണായക അങ്കത്തിൽ രാജസ്​ഥാനു മുന്നിൽ സമനില വഴങ്ങിയ സൗരാഷ്​ട്ര (26) മൂന്നാം സ്​ഥാനത്തായി.അഞ്ചു വിക്കറ്റ്​ അകലെ നോക്കൗട്ട്​ റൗണ്ട്​ എന്ന പ്രതീക്ഷയോടെയാണ്​ ചൊവ്വാഴ്​ച കേരളം ​വീണ്ടും മൈതാനത്തിറങ്ങിയത്​. അഞ്ചിന്​ 83 റൺസ്​ എന്ന നിലയിൽ കളി പുനരാരംഭിക്കു​േമ്പാൾ വിക്കറ്റുകൾ എറിഞ്ഞുവീഴ്​ത്താനായിരുന്നു കേരള പ്ലാൻ. രജത്​ പല്ലിവാലിനെ (34) ആറാമനായി ജലജ്​ സക്​സേന പുറത്താക്കിയതോടെ കേരളം പ്രതീക്ഷയിലായി. സ്​കോർ 119. ​അടുത്ത ഒാവറിൽ അമിത്​ മിശ്രയും (40) മടങ്ങി. പിന്നെ വിക്കറ്റ്​ വീഴ്​ചയായി. എച്ച്​.വി. പ​േട്ടൽ (1), എ.കെ. ചഹൽ (12), ഹൂഡ (5) എന്നിവർകൂടി മടങ്ങിയതോടെ കേരളം ഇന്നിങ്​സ്​ ജയം ഉറപ്പിച്ചു. മെഹ്​ത 32 റൺസുമായി പുറത്താവാതെ നിന്നു. സക്​സേനയും എം.ഡി. നിധീഷും മൂന്നു​ വിക്കറ്റ്​ വീതം വീഴ്​ത്തി.

മറ്റൊരു മത്സരത്തിൽ ഗുജറാത്ത്​ ഝാർഖണ്ഡിനെതിരെ 10 വിക്കറ്റ്​ ജയത്തോടെ ഗ്രൂപ്​ ജേതാക്കളായി നോക്കൗട്ടിൽ കടന്നു. അതേസമയം, സൗരാഷ്​ട്രയുടെ ഇന്നിങ്​സ്​ വിജയമെന്ന സ്വപ്​നം രാജസ്​ഥാൻ സമനിലയിൽ പൂട്ടി. ഇന്നിങ്​സ്​ ​േഫാളോ ഒാൺ ചെയ്​ത രാജസ്​ഥാൻ മൂന്നു​ സെഞ്ച്വറികളോടെയാണ്​ ചെറുത്തുനിന്നത്​. 

ക്വാർട്ടറിൽ ഇടം നേടിയവർ
ഗ്രൂപ്​ ‘എ’: കർണാടക, ഡൽഹി
ഗ്രൂപ് ​‘ബി’: ഗുജറാത്ത്​, കേരളം
ഗ്രൂപ്​ ‘സി’: മധ്യപ്രദേശ്​, മുംബൈ
ഗ്രൂപ്​ ‘ഡി’: വിദർഭ, ബംഗാൾ

രഞ്​ജി ​േ​ട്രാഫി ക്വാർട്ടർ ലൈനപ്
മത്സരങ്ങൾ ഡിസംബർ ഏഴു​ മുതൽ 11 വരെ
​
1 ഡൽഹി x മധ്യപ്രദേശ്​
2 ബംഗാൾ x കേരളം
3 ഗുജറാത്ത്​ x വിദർഭ
4 മുംബൈ x കർണാടക

കേരളത്തിന്​ എതിരാളി വിദർഭ
ക്വാർട്ടർ ഫൈനലിൽ കേരളത്തി​​െൻറ എതിരാളി കരുത്തരായ വിദർഭ. ഡിസംബർ ഏഴിന്​ സൂറത്തിലാണ്​ മത്സരം. ഗ്രൂപ്​ ‘ഡി’യിൽ ആറു​ കളിയിൽ നാല്​ ജയവും രണ്ട്​ സമനിലയുമായി 31 പോയൻറ്​ നേടി ഒന്നാം സ്​ഥാനത്താണ്​ ഇവർ. ​െഎ.പി.എൽ സൂപ്പർ താരം ഫൈസ്​ ഫസൽ നായകനായ ടീമിൽ മുൻ ഇന്ത്യൻ താരം വസിം ജാഫറുണ്ട്​. ഗണേഷ്​ സതീഷ്​, ജിതേഷ്​ ശർമ, ലളിത്​ യാദവ്​, രവി കുമാർ ഠാകുർ എന്നിവരാണ്​ ശ്രദ്ധേയ താരങ്ങൾ. ആറു ​കളിയിൽ അഞ്ചു​ ജയവും ഒരു തോൽവിയുമായിരുന്നു കേരളത്തി​​െൻറ നേട്ടം.