​െഎ.പി.എല്ലിലെ വംശീയാധിക്ഷേപം നിഷേധിച്ച് സമ്മിയുടെ​ സഹതാരങ്ങൾ, ആഭ്യന്തര ക്രിക്കറ്റിൽ സംഭവിക്കാറുണ്ടെന്ന്​ പത്താൻ

ഹൈദരാബാദ്​: ഇന്ത്യൻ പ്രീമിയർ ലീഗി​​​​െൻറ 2013,2014 സീസണുകളിൽ സൺറൈസേഴ്​സ്​ ഹൈദരാബദിനായി കളിക്കവേ വംശീയധിക്ഷേപത്തിനിരയായതായി വെളിപ്പെടുത്തിയ​ മുൻ വെസ്​റ്റിൻഡീസ് നായകൻ ഡാരൻ സമ്മിയുടെ ആരോപണം നിഷേധിച്ച്​ സഹതാരങ്ങൾ രംഗത്ത്​. ​​‘ഐ.പി.എല്ലില്‍ കളിച്ചിരുന്ന കാലത്ത് 'കാലു' എന്നാണ് പലരും വിളിച്ചിരുന്നത്. തന്നെ മാത്രമല്ല ശ്രീലങ്കന്‍ താരം തിസര പെരേരയേയും അങ്ങനെ വിളിച്ചിരുന്നു. കരുത്തരെന്ന നിലയിലാണ് അങ്ങനെ വിളിക്കുന്നതെന്നാണ് അന്ന് കരുതിയത്​. അങ്ങനെയല്ലെന്ന് ഇപ്പോഴാണ് തിരിച്ചറിയുന്നത്​’- സമ്മി ഇൻസ്​റ്റഗ്രാം സ്​റ്റോറിയില്‍ എഴുതിയത്​ ഇങ്ങനെയായിരുന്നു.

സഹതാരങ്ങളായിരുന്ന പാർഥിവ്​ പ​േട്ടൽ, ഇർഫാൻ പത്താൻ എന്നിവരും ആന്ധ്ര ക്രിക്കറ്റ്​ അസോസിയേഷൻ ഡയറക്​ടർ വൈ വേണുഗോപാൽ റാവുവുമാണ്​ സമ്മിയുടെ ആരോപണങ്ങൾ നിഷേധിച്ച്​ രംഗത്തെത്തിയത്​. ടീമിലുണ്ടായിരുന്ന സമയത്ത്​ ഇത്തരം വംശീയത കലർന്ന പരാമർശങ്ങൾ ആരും ഉപയോഗിച്ചതായി കേട്ടിട്ടില്ലെന്ന്​ പാർഥിവ്​ പറഞ്ഞു. അത്തരമൊരു സംഭവം ശ്രദ്ധയിൽപ്പെട്ടിട്ടില്ലെന്ന്​ വേണുഗോപാൽ റാവുവും അറിയിച്ചു. 

െഎ.പി.എല്ലിൽ ഇത്തരം സംഭവങ്ങൾ ഉണ്ടായതായി അറിയില്ലെന്ന്​ ഇർഫാൻ പത്താനും പറഞ്ഞു. ആ രണ്ട്​ സീസണുകളിലും സമ്മിയുടെ കൂടെ ഞാനുണ്ടായിരുന്നു. അങ്ങനെ വല്ലതുമുണ്ടായിട്ടുണ്ടെങ്കിൽ അത്​ പ്രാധാന്യത്തോടെ തന്നെ ചർച്ചചെയ്യുമായിരുന്നു. ഇർഫാൻ വ്യക്​തമാക്കി.

അതേസമയം, ഇത്തരം സംഭവങ്ങൾ ആഭ്യന്തര ക്രിക്കറ്റിൽ നിരന്തരം സംഭവിച്ചിരുന്നതായി ഇർഫാൻ പത്താൻ വെളിപ്പെടുത്തി. ‘നമ്മൾ ഇതിനെ കുറിച്ച്​ ആളുകളെ ബോധവാൻമാരാക്കേണ്ടതുണ്ട്​. കാരണം, ആഭ്യന്തര ക്രിക്കറ്റിൽ വംശീയാധിക്ഷേപം ഞാൻ പലതവണ കേട്ടിട്ടുണ്ട്​. ദക്ഷിണേന്ത്യയിൽ നിന്നുള്ള ചില താരങ്ങൾ​ ഉത്തരേന്ത്യയിൽ കളിക്കാനെത്തു​േമ്പാൾ അത്​ നേരിട്ടുണ്ട്​. ഞാൻ പേര്​ വെളിപ്പെടുത്താൻ ആഗ്രഹിക്കുന്നില്ലെന്നും ഇർഫാൻ പറഞ്ഞു. 

ആളുകൾക്കിടയിൽ നിന്നും ചിലർ തമാശക്കാരനാവാൻ ശ്രമിക്കു​േമ്പാഴാണ്​ ഇത്തരം സംഭവങ്ങൾ ഉണ്ടാവുന്നത്​. ചിലപ്പോൾ അത്​ പറയുന്നയാൾ ഒരു റേസിസ്റ്റ്​ ആവണം എന്നില്ല. മറ്റുള്ളവരിൽ നിന്ന്​ ഇഷ്​ടം നേടാൻ ഒരു തമാശ പറയുന്നതായിരിക്കാം. എന്നാൽ, ചിലപ്പോൾ അത്​ പരിധിവിട്ടുപോകും. പത്താൻ കൂട്ടിച്ചേർത്തു.

അതേസമയം, െഎ.പി.എല്ലി​​​​െൻറ ചരിത്രത്തിൽ ഇതുവരെ ബി.സി.സി.​െഎക്കും ഇത്തരത്തിലുള്ള പരാതികൾ ലഭിച്ചിട്ടില്ല. അത്തരമൊരു അനുഭവം ഉണ്ടായിട്ടുണ്ടെങ്കിൽ സമ്മി അപ്പോൾ തന്നെ റിപ്പോർട്ട്​ ചെയ്യേണ്ടിയിരുന്നുവെന്ന്​ മുതിർന്ന ബോർഡ്​ അംഗം പറഞ്ഞു.