അമിത വേഗത:​ ഷെയ്​ൻ വോണി​ന്​ ഒരുവർഷത്തേക്ക്​ ഡ്രൈവിങ്​ വിലക്ക്; 1.62 ലക്ഷം രൂപ പിഴ

ലണ്ടൻ: ക്രിക്കറ്റിൽ സ്​പിന്നറാണെങ്കിലും വളയം കൈയിൽ കിട്ടിയാൽ ആസ്​ട്രേലിയൻ സ്​പിൻ ഇതിഹാസം ഷെയ്​ൻ വോൺ ‘ഫാസ്​ റ്റ്​​’ ആണ്​​. അതിനാൽതന്നെ രണ്ടു​ വർഷത്തിനിടെ ആറാം തവണ അമിത വേഗത്തിന്​​ പിടിക്കപ്പെട്ട വോണി​ന്​ ​ഒരുവർഷത്തേക്ക്​ വാഹനം ഒാടിക്കുന്നതിന്​ വിലക്ക്​.

കഴിഞ്ഞ വർഷം ലണ്ടനിൽ വാടകക്കെടുത്ത കാറിൽ മണിക്കൂറിൽ 40 മൈൽ (മണിക്കൂറിൽ 64 കിലോമീറ്റർ) വേഗപരിധി ലംഘിച്ചതായി മുൻ ലെഗ് സ്പിന്നർ മജിസ്‌ട്രേറ്റ് കോടതിയിൽ സമ്മതിച്ചിരുന്നു. പടിഞ്ഞാറൻ ലണ്ടനിൽ താമസിക്കുന്ന വോണിന്​ 1845 പൗണ്ട്​ (ഏകദേശം 1.62 ലക്ഷം രൂപ) പിഴയും വിധിച്ചു.