ഷുഹൈബ് അക്തർ ഇനി പി.സി.ബിയുടെ ബ്രാൻഡ് അംബാസിഡർ

ഇസ്ലാമാബാദ്: പാകിസ്താൻ ക്രിക്കറ്റ് ബോർഡിന്റെ ബ്രാൻഡ് അംബാസിഡറായി മുൻ ഫാസ്റ്റ് ബൌളർ ഷുഹൈബ് അക്തറിനെ നിയമിച്ചു. പി.സി.ബി ചെയർമാൻ നജാം സേത്തിയാണ് ട്വിറ്ററിലൂടെയാണ് വാർത്ത പുറത്തുവിട്ടത്. ചെയർമാൻറെ ഉപദേശകനായും അക്തർ പ്രവർത്തിക്കും.

തനിക്ക് ലഭിച്ച ബഹുമതിയിൽ നന്ദി പറയുന്നതായും പി.സി.ബിയുമായി പ്രവർത്തിക്കുമെന്നും അക്തർ വ്യക്തമാക്കി. ക്രിക്കറ്റ് ലോകം കണ്ട മികച്ച ഫാസ്റ്റ് ബൗളർമാരിൽ ഒരാളായ അക്തർ 1997 മുതൽ 2011 വരെ 224 അന്താരാഷ്ട്ര മത്സരങ്ങളിൽ പാകിസ്താനെ പ്രതിനിധീകരിച്ചിട്ടുണ്ട്.