മർക്രമിന്​ സെഞ്ച്വറി; അവസാന ടെസ്​റ്റിൽ ദക്ഷിണാഫ്രിക്കക്ക്​ മികച്ച തുടക്കം

ജൊഹാനസ്​ബർഗ്​: പന്ത്​ ചുരണ്ടൽ വിവാദത്തിൽപെട്ട്​ പ്രതിസന്ധിയിലായ ആസ്​ട്രേലിയക്കെതിരെ അവസാന ടെസ്​റ്റിൽ ദക്ഷിണാഫ്രിക്കക്ക്​ മികച്ച തുടക്കം. ഒാപണർ എയ്​ഡൻ മർക്രം (152) ടൂർണമ​െൻറിലെ രണ്ടാം സെഞ്ച്വറിയുമായി കരുത്തുകാട്ടിയപ്പോൾ ആദ്യ ദിനം ആറുവിക്കറ്റ്​ നഷ്​ടത്തിൽ ആതിഥേയർ 313 റൺസെടുത്തിട്ടുണ്ട്​. ടെംബ ബാവുമയും(25) വിക്കറ്റ്​ കീപ്പർ ക്വിൻറൺ ഡികോക്കുമാണ് ​(7) ക്രീസിൽ. 

 ടോസ്​ നേടിയ ദക്ഷിണാഫ്രിക്ക ബാറ്റിങ്​ തിരഞ്ഞെടുക്കുകയായിരുന്നു. ഒാപണർമാരായ ഡീൻ എൽഗറും എയ്​ഡൻ മർക്രമും ആതിഥേയർക്ക്​ മികച്ച തുടക്കം നൽകി. 51 റൺസി​​െൻറ കൂട്ടുകെ​ട്ടുമായി നിൽക്കവെ ഡീൻ എൽഗറിനെ (19) പറഞ്ഞയച്ച്​ സ്​പിന്നർ നഥാൻ ലിയോണാണ്​ ഒാസീസിന്​ വഴിത്തിരിവുണ്ടാക്കുന്നത്​. എന്നാൽ, ഹാഷിം അംലയെ കൂട്ടുപിടിച്ച്​ മർക്രം സ്​കോർ ഉയർത്തി. ടൂർണമ​െൻറിൽ കാര്യമായ ഫോമിലല്ലാത്ത ഹാഷിം അംല(27) നിലയുറപ്പിക്കാനാവാതെ പാറ്റ്​ കമ്മിൻസി​​െൻറ പന്തിലാണ്​ പുറത്താകുന്നത്​.

എന്നാൽ, എബി ഡിവില്ലിയേഴ്​സിനെ (69) കൂട്ടുപിടിച്ച്​ മർക്രം സെഞ്ച്വറി പൂർത്തിയാക്കി. ടെസ​്​റ്റിൽ താരത്തി​​െൻറ നാലാം സെഞ്ച്വറിയാണിത്​. 152 റൺസുമായി മർക്രം പുറത്തായതിനു പിന്നാലെ അർധസെഞ്ച്വറി പൂർത്തിയാക്കി ഡിവില്ലിയേഴ്​സും (69) പുറത്തായി. പിന്നാലെ എത്തിയ ക്യാപ്​റ്റൻ ഫാഫ്​ ഡു​െപ്ലസിസിനെ (0) കമ്മിൻസ്​ തന്നെ പറഞ്ഞയച്ചു. ആസ്​​േ​​ട്രലിയക്കായി കമ്മിൻസ്​ മൂന്നും ചാഡ്​ സെയേസ്​ രണ്ടും വിക്കറ്റ്​ വീഴ്​ത്തി.