ആദ്യ ഏകദിനത്തിൽ ദക്ഷിണാഫ്രിക്കക്ക്​ എട്ടു​ വിക്കറ്റ്​ വിജയം

ജൊഹാനസ്​ബർഗ്​: ശ്രീലങ്കക്കെതിരായ ആദ്യ ഏകദിനത്തിൽ ദക്ഷിണാഫ്രിക്കക്ക്​ എട്ടു​ വിക്കറ്റ്​ വിജയം. ആദ്യം ബാറ്റ് ​ ചെയ്​ത ലങ്ക 231 റൺസിന്​ പുറത്തായപ്പോൾ ദക്ഷിണാഫ്രിക്ക 38.5 ഒാവറിൽ രണ്ടു​ വിക്കറ്റ്​ നഷ്​ടത്തിൽ ലക്ഷ്യം കണ്ടു.

സെഞ്ച്വറി നേടിയ നായകൻ ഫാഫ്​ ഡുപ്ലസിസും (112 നോട്ടൗട്ട്​) അർധ ശതകം കുറിച്ച ക്വിൻറൺ ഡികോകും (81) ആണ്​ ആതിഥേയ വിജയം അനായാസമാക്കിയത്​. മൂന്നു​ വിക്കറ്റ്​ വീതം വീഴ്​ത്തിയ ഇംറാൻ താഹിറും ലുൻഗി എൻഗിഡിയുമാണ്​ ലങ്കയെ ചെറിയ സ്​കോറിലൊതുക്കിയത്​. കുശാൽ മെൻഡിസാണ്​​ (60) സന്ദർശകനിരയിലെ ടോപ്​സ്​കോറർ.