ഹൈദരാബാദിന്​ ജയം

ചണ്ഡിഗഢ്​​: ശിഖർ ധവാനും ഡേവിഡ്​ വാർണറും ആക്രമണമഴിച്ചുവിട്ട മത്സരത്തിൽ കിങ്​സ്​ ഇലവൻ  പഞ്ചാബിനെതിരെ ഹൈദരാബാദിന്​ 26 റൺസ്​ ജയം.  ടോസ്​​ നഷ്​ടമായി ബാറ്റിങ്ങിനിറങ്ങിയ ഹൈദരാബാദ്​ നിശ്ചിത ഒാവറിൽ മൂന്നു വിക്കറ്റ്​ നഷ്​ടത്തിൽ 207 റൺസെടുത്തിരുന്നു.

നായകൻ ഡേവിഡ്​ വാർണറും (27 പന്തിൽ 51) ശിഖർ ധവാനും (48 പന്തിൽ 77) ചേർന്ന്​ നൽകിയ മികച്ച തുടക്കമാണ്​ ഹൈദരാബാദിനെ 200 കടത്തിയത്​. പിന്നാലെയെത്തിയ കെയ്​ൻ വില്യംസൺ അർധസെഞ്ച്വറി (54) നേടി. സ്​കോർ: ഹൈദരാബാദ്​: 207, പഞ്ചാബ്​ 181/9.

മറുപടി ബാറ്റിങ്ങിനിറങ്ങിയ പഞ്ചാബ്​ നിരയിൽ ​​ഷോൺ മാർഷ്​ (50 പന്തിൽ 84) മാത്രമാണ്​ തിളങ്ങിയത്​. ബാക്കിയുള്ളവർ എളുപ്പം കീഴടങ്ങിയതോടെ പഞ്ചാബി​െൻറ പോരാട്ടവീര്യം 181ൽ അവസാനിച്ചു.