ഡി.കെ. ജെയ്ൻ ബി.സി.സി.ഐ ഒാംബുഡ്സ്മാൻ

ന്യൂഡൽഹി: ബി.സി.സി.ഐയുടെ ആദ്യ ഒാംബുഡ്സ്മാനായി റിട്ടയേർഡ് ജഡ്ജ് ഡി.കെ. ജെയ്നെ സുപ്രീംകോടതി നിയമിച്ചു. ജസ്റ്റിസുമാരായ എസ്.എസ് ബോബ്ദെ, എ.എം സാപ്രെ എന്നി ബെഞ്ചിൻെറതാണ് തീരുമാനം.

ആറ് പേരുടെ ലിസ്റ്റിൽ നിന്നാണ് മുൻ സുപ്രീംകോടതി ജഡ്ജ് ആയിരുന്ന ജെയ്നെ തെരഞ്ഞെടുത്തത്. എല്ലാവരും ഈ നിർദ്ദേശം അംഗീകരിച്ചു. 2018 ആഗസ്റ്റ് ഒമ്പതിനാണ് സുപ്രീംകോടതി ഓംബുഡ്സ്മാനെ നിയമിക്കാൻ ശുപാർശ ചെയ്തത്. അമിക്കസ് ക്യൂറി ആയ പി.എസ്.നരസിംഹയാണ് ഇക്കാര്യത്തിൽ കോടതിയെ സഹായിച്ചത്.