കോഹ്ലിയുടെ അഭിപ്രായത്തിന് ശേഷം കോച്ചിനെ പ്രഖ്യാപിക്കുമെന്ന് ഗാംഗുലി

മുംബൈ: ഇന്ത്യൻ ക്രിക്കറ്റ്​ ടീം പരിശീലക സ്​ഥാനത്തേക്കുള്ള അഭിമുഖം കഴിഞ്ഞു. പക്ഷേ, ആരാണ്​ കോച്ചെന്ന്​ അറിയാൻ ഇനിയും കാത്തിരിക്കണം. അപേക്ഷകരിൽനിന്ന്​ അഭിമുഖത്തിനായി ക്ഷണിച്ച ആറിൽ അഞ്ചു പേരും തിങ്കളാഴ്​ച ​സചിൻ ടെണ്ടുൽകർ, സൗരവ്​ ഗാംഗുലി, വി.വി.എസ്​ ലക്ഷ്​മൺ എന്നിവരും നേതൃത്വത്തിലുള്ള ക്രിക്കറ്റ്​ അഡ്വൈസറി കമ്മിറ്റിയുടെ മുമ്പാകെ അഭിമുഖത്തിന്​ ഹാജരായെങ്കിലും ക്യാപ്​റ്റൻ വിരാട്​ കോഹ്​ലിയുമായി ചർച്ച നടത്തിയ ശേഷം മാത്രമാവും പ്രഖ്യാപനം.

മുംബൈയിലെ ബി.സി.സി.​െഎ ഹെഡ്​ക്വാർ​േട്ടഴ്​സിൽ നടന്ന അഭിമുഖത്തിൽ വിരേന്ദർ സെവാഗ്​ നേരി​െട്ടത്തിയപ്പോൾ, രവിശാസ്​ത്രി, ടോം മൂഡി, റിച്ചാർഡ്​ പൈബസ്​, ലാൽ ചന്ദ്​ രജപുത്​ എന്നിവർ ഒാൺലൈൻ വഴി പ​െങ്കടുത്തു. ഫിൽ സിമ്മൺസ്​ എത്തിയില്ല. സചിൻ ടെണ്ടുൽകർ ‘സ്​കൈപ്​’ വഴിയാണ്​ ഗാംഗുലിക്കും ലക്ഷ്​മണുമൊപ്പം ചേർന്നത്​. 

അഞ്ചുപേരും തങ്ങളുടെ കോച്ചിങ്​ തന്ത്രങ്ങളും സമീപനങ്ങളും സമിതി മുമ്പാകെ അവതരിപ്പിച്ചു. ഇവരുടെ നിർദേശങ്ങൾ കോഹ്​ലിയുമായി ചർച്ചചെയ്​ത ശേഷമാവും ഇന്ത്യൻ കോച്ചിനെ പ്രഖ്യാപിക്കുക. രണ്ടു മണി​ക്കൂറോളം സമയം സെവാഗ്​ ചെലവഴിച്ചതായാണ്​ റിപ്പോർട്ട്​.  അടുത്ത രണ്ടുവർഷത്തെ ഇന്ത്യൻ ക്രിക്കറ്റി​​െൻറ ഭാവി മുന്നിൽകണ്ടാവും അന്തിമ തീരുമാനമെന്ന്​ സൗരവ്​ ഗാംഗുലി പറഞ്ഞു. രവിശാസ്​ത്രിക്കാണ്​ കൂടുതൽ സാധ്യതയെന്ന റിപ്പോർട്ടുകൾ അദ്ദേഹം തള്ളി.