ലോധ കമ്മിറ്റി റിപ്പോർട്ട്​ നടപ്പാക്കാനാവില്ലെന്ന് ബി.സി.സി.​െഎ

മുംബൈ: സുപ്രീംകോടതി നിയമിച്ച ലോധ കമ്മിറ്റി ​ശുപാർശകൾ നടപ്പാക്കാനാവില്ലെന്ന്​ ബി.സി.സി.​െഎ. ശനിയാഴ്ചയാണ്​ ലോധ കമ്മറ്റിയെ ബി.സി.സി.​െഎ ​ഇക്കാര്യം അറിയിച്ചത്​. സംസ്​ഥാന ക്രിക്കറ്റ്​ അസോസിയേഷനുകളിൽ നിന്നുയർന്ന എതിർപ്പുകളാണ്​റിപ്പോർട്ട്​ നടപ്പാക്കുന്നതിന് ​തടസ്സമായി ബി.സി.സി.​െഎ പറയുന്നത്​.ജസ്റ്റിസ്​ ലോധ കമ്മിറ്റി സെക്രട്ടറി ഗോപാൽ നാരയണന് ​ഇമെയിൽ വഴി അയച്ച സത്യവാങ്​മൂലത്തിലാണ്​ ബി.സി.സി.​െഎ ഇക്കാര്യം വ്യക്തമാക്കുന്നത്​. സംസ്ഥാനങ്ങളിലെ അസോസിയേഷനുകൾക്ക്​ ഫണ്ട്​ നിർത്തലാക്കുന്നതുൾപ്പടെയുള്ള ലോധ കമ്മിറ്റിയുടെ പല ശുപാർശകളും നടപ്പാക്കുന്നതിൽ പരാജയപ്പെട്ടതായും സത്യവാങ്​മൂലത്തിൽ ബി.സി.സി.​െഎ സമ്മതിക്കുന്നുണ്ട്​.

ലോധ കമ്മിറ്റി ശുപാർശകൾ നടപ്പിലാക്കുന്നതിന്​ സാധിച്ചില്ലെന്ന ബി.സി.സി.​​െഎയുടെ നിലപാട്​ ക്രിക്കറ്റ്​ രംഗത്തെ പരിഷ്കരണത്തിന്​ തങ്ങൾക്ക്​ താൽപര്യമില്ലെന്ന വ്യക്തമായ സൂചനയാണ്​ നൽകുന്നത്​. ബി.സി.സി.​െഎ നിസ്സഹായരാണ്,​ ലോധ കമ്മിറ്റി റിപ്പോർട്ടുകൾ നടപ്പാക്കുന്നത്​ സംബന്ധിച്ച്​ രണ്ട്​ യോഗങ്ങൾ സംഘടിപ്പിച്ചു. രണ്ട്​ യോഗങ്ങളിലും ഭൂരിപക്ഷം സംസ്ഥാന അസോസിയേഷനുകളും നിലപാടെടുത്തത്​ ലോധ കമ്മിറ്റി റിപ്പോർട്ട്​ നടപ്പാക്കേണ്ട എന്നാണെന്നും​ സത്യവാങ്​മൂലത്തിൽ പറയുന്നു.

സംസ്ഥാന അസോസിേയഷനുകൾക്ക്​ നൽകുന്ന ഫണ്ടുകൾക്ക് നിരോധമേർപ്പെടുത്താനും ഇതു സംബന്ധിച്ച സത്യവാങ്​മൂലം അസോസിേയഷനുകളോട് ലോധ കമ്മിറ്റി മുമ്പാകെ സമർപിക്കാൻ ആവശ്യപ്പെടാനും ഒക്ടോബർ 21ന് സുപ്രീംകോടതി ബി.സി.സി.​െഎയോട്​ നിർദേശിച്ചിരുന്നു. ബി.സി.സി.​െഎ പ്രസിഡണ്ട്​ അനുരാഗ്​ താക്കൂർ, സെക്രട്ടറി അജയ്​ ഷിക്ര എന്നിവരോടും മൂന്നാഴ്ചക്കകം ബി.സി.സി.​െഎ യോഗങ്ങളിലെ മിനുടസ് ​ഉൾപ്പെടെയുള്ള വിവരങ്ങൾ ഉൾക്കൊള്ളിച്ച്​സത്യവാങ്​മൂലം സമർപ്പിക്കാനും സുപ്രീംകോടതി നിർദ്ദേശിച്ചിരുന്നു. ബി.സി.സി.​െഎയുടെ മുഴുവൻ സാമ്പത്തിക വിവരങ്ങൾ ഉൾക്കൊള്ളിക്കാനും ഇവ ഒാഡിറ്റ്​ െചയ്യാനും സുപ്രീംകോടതി ലോധ കമ്മിറ്റിയോട്​ നിർദ്ദേശിച്ചിരുന്നു.