ഒത്തുകളി; വാതുവെപ്പുകാരൻ സഞ്​ജീവ്​ ചൗളയെ ഇന്ത്യക്ക്​ കൈമാറുമെന്ന്​ യു.കെ

ലണ്ടൻ: ഒത്തുകളി വിവാദത്തിൽ ലണ്ടനിൽ അറസ്റ്റിലായ വാതുവെപ്പുകാരൻ സഞ്​ജീവ്​ കുമാർ ചൗളയെ ഇന്ത്യക്ക്​ കൈമാറാൻ യു. കെ കോടതിയിൽ ധാരണയായി. 2000ത്തിൽ മുൻ ദക്ഷിണാഫ്രിക്കൻ നായകൻ ഹാൻസീ ക്രോഞ്ചെയെ അടക്കം കുടുക്കിയ ഒത്തുകളിയിലായിരുന്നു പ്രധാന വാതുവെപ്പുകാരനായ സഞ്​ജീവ്​ കുമാർ ചൗളയെ പിടികൂടിയത്​.

2000 ജനുവരിയിലും മാർച്ചിലുമായി നടന്ന മത്സരങ്ങളിൽ ഒത്തുകളിക്കാൻ ആവശ്യപ്പെട്ട്​ വാതുവെപ്പുകാർ ദക്ഷിണാഫ്രക്കൻ നായകനെ സമീപിച്ചിരുന്നു. അന്ന്​ വാതുവെപ്പുകാർക്കും ഹാൻസീ ക്രോഞ്ചക്കും ഇടനിലക്കാരനായി നിന്നത്​ ഇന്ത്യക്കാരനായ സഞ്​ജീവായിരുന്നു. 1996ൽ യു​.കെയിലേക്ക്​ പോയ സഞ്​ജീവിനെ 2016ലായിരുന്നു അറസ്റ്റ്​ ചെയ്​തത്​.