വിരുഷ്ക വിവാഹ ചിത്രങ്ങൾ ജീവകാരുണ്യ പ്രവർത്തനങ്ങൾക്കായി വിൽക്കും

ഇന്ത്യൻ ക്രിക്കറ്റ് നായകൻ വിരാട് കോഹ്ലിയും ബോളിവുഡ് താരം അനുഷ്ക ശർമ്മയും തങ്ങളുടെ വിവാഹചിത്രങ്ങൾ പ്രമുഖ അമേരിക്കൻ ഫാഷൻ മാഗസിനു വിൽക്കുമെന്ന് റിപ്പോർട്ടുകൾ. ഇതിൽ നിന്നുള്ള വരുമാനം ജീവകാരുണ്യ പ്രവർത്തനങ്ങൾക്കായി ചെലവഴിക്കുകയാണ് ഉദ്ദേശ്യം. 

ദമ്പതികൾ  മുംബൈയിലും ഡൽഹിയിലുമായി ഇന്ത്യൻ ക്രിക്കറ്റ് ടീമംഗങ്ങൾക്കായി വിരുന്ന് വരുന്നുണ്ട്. വിരാടിൻറെ കുടുംബം ഡിസംബർ 21ന് ഡൽഹിയിൽ വിരുന്നു സംഘടിപ്പിക്കും. മുംബൈയിൽ ഡിസംബർ 26 നാണ് അനുഷ്കയുടെ കുടുംബത്തിൻറെ വിരുന്ന്. വിവാഹ ശേഷം ഇരുവരും മുംബൈയിലേക്ക് താമസം മാറുമെന്ന് റിപ്പോർട്ടുകളുണ്ട്.