ശ്രീലങ്കക്കെതിരായ ഏകദിന ടീം: കോഹ്​ലിക്ക്​ വിശ്രമം; രോഹിത്​ നായകൻ

ന്യൂഡൽഹി: വിരാട്​ കോഹ്​ലിക്ക്​ വിശ്രമം നൽകി ശ്രീലങ്കക്കെതിരായ ഏകദിന ടീമിനെ പ്രഖ്യാപിച്ചു. ക്യാപ്​റ്റ​​െൻറ അഭാവത്തിൽ രോഹിത്​ ശർമ ഇന്ത്യയെ നയിക്കും. ബാറ്റ്​സ്​മാൻ ശ്രേയസ്​ അയ്യറും പേസർ സിദ്ധാർഥ്​ കൗളും ടീമിലുണ്ട്​. ആദ്യമായാണ്​ ശ്രേയസ്​ അയ്യർ ഏകദിന ടീമിൽ ഇടംപിടിക്കുന്നത്​. രണ്ടാം ടെസ്​റ്റിലുണ്ടായിരുന്നവർ തന്നെയാണ്​ ബാക്കി താരങ്ങൾ.

വ്യക്​തിപരമായ കാരണങ്ങളാൽ രണ്ടാം ടെസ്​റ്റിൽനിന്ന്​ വിട്ടുനിന്ന ശിഖർ ധവാനും ടീമിലുണ്ട്​. മൂന്നു മത്സരങ്ങളടങ്ങിയ പരമ്പര ഡിസംബർ 10 മുതലാണ്​​. ദക്ഷിണാഫ്രിക്കൻ പരമ്പരക്ക്​ ഒരുങ്ങാൻ വേണ്ടത്ര സമയമില്ലെന്നും കളിക്കാർക്ക്​ വിശ്രമം ലഭിക്കുന്നില്ലെന്നുമുള്ള കോഹ്​ലിയുടെ പരാമർശനത്തിനു പിന്നാലെയാണ്​ താരത്തെ ടീമിൽനിന്ന്​ ഒഴിവാക്കുന്നത്​​.

ടീം: രോഹിത്​ ശർമ (ക്യാപ്​റ്റൻ), ശിഖർ ധവാൻ, അജിൻക്യ രഹാനെ, ശ്രേയസ്​ അയ്യർ, മനീഷ്​ പാണ്ഡെ, കേദാർ യാദവ്​, ദിനേഷ്​ കാർത്തിക്​, എം.എസ്​. ധോണി, ഹാർദിക്​ പാ​ണ്ഡ്യ, അക്​സർ പ​േട്ടൽ, കുൽദീപ്​ യാദവ്​, യുസ്​വേന്ദ്ര ചഹൽ, ജസ്​പ്രീത്​ ബുംറ, ഭുവനേശ്വർ കുമാർ, സിദ്ധാർഥ്​ കൗൽ.