സത്യം തുറന്നുപറഞ്ഞതോടെ നായകസ്ഥാനം നഷ്​ടമായി; മനസ്സ്​ തുറന്ന്​​ യൂനിസ്​ ഖാൻ

കറാച്ചി: പാകിസ്താന്‍ ക്രിക്കറ്റ് ടീമി​​​​​െൻറ നായകസ്ഥാനം നഷ്ടമായത്​ സത്യം തുറന്നുപറഞ്ഞത്​ കൊണ്ടാണെന്ന വെളിപ്പെടുത്തലുമായി മുൻ സൂപ്പർതാരം യൂനിസ് ഖാന്‍. 2009ല്‍ ടെസ്റ്റ്, ഏകദിന ടീമുകളുടെ സ്ഥിരം നായകനായി യൂനിസ് ചുമതലയേറ്റിരുന്നു. എന്നാല്‍ ആ വര്‍ഷം തന്നെ അദ്ദേഹത്തിന് സ്ഥാനമൊഴിയേണ്ടിവരികയും ചെയ്​തു. വാതുവെപ്പുമായി ബന്ധപ്പെട്ട്​ പാക്​ ടീമിനെതിരെ അന്വേഷണം വന്നപ്പോഴായിരുന്നു ഒക്ടോബറില്‍ താരം നായകസ്ഥാനം രാജിവച്ചത്. ഗള്‍ഫ് ന്യൂസിനോടു സംസാരിക്കുകയായിരുന്നു അദ്ദേഹം​.

തനിക്കു ക്യാപ്റ്റന്‍സി നഷ്​ടമായത്​ സത്യസന്ധത കാണിച്ചത് കൊണ്ട്​ മാത്രമാണ്​. രാജ്യത്തിനു വേണ്ടി കഴിവി​​​​​െൻറ പരമാവധി പരിശ്രമിക്കാതിരുന്ന താരങ്ങളെ ചൂണ്ടിക്കാണിച്ചതാണ്​ വിനയായത്​. 2009ല്‍ ന്യൂസിലന്‍ഡിനെതിരായ ഏകദിന പരമ്പര നടന്നുകൊണ്ടിരുന്ന സമയത്ത്​ പാക് ടീമിലെ ഒമ്പതോളം താരങ്ങള്‍ യൂനിസ്​ ഖാനെതിരെ രംഗത്തുവന്നു. അത്​ നായകസ്ഥാനം നഷ്ടപ്പെടുന്നതിലേക്ക്​ നയിക്കുകയും ചെയ്​തു.

ജീവിതത്തിൽ ചില സാഹചര്യങ്ങളില്‍ സത്യം മാത്രം പറയുകയാണെങ്കില്‍ നിങ്ങളെ എല്ലാവരും മനോരോഗിയെന്നു മുദ്ര കുത്തിയേക്കും. ടീമിനു വേണ്ടി ആത്മാര്‍ഥമായി കളിക്കാത്ത താരങ്ങള്‍ ആരൊക്കെയാണെന്നു ചൂണ്ടിക്കാണിച്ചതാണ് താന്‍ ചെയ്ത കുറ്റമെന്നും അദ്ദേഹം ഗൾഫ്​ ന്യൂസിനോട്​ പ്രതികരിച്ചു. അതേസമയം അന്നു തനിക്കെതിരേ രംഗത്തുവന്ന താരങ്ങള്‍ പിന്നീട് പശ്ചാത്തപിച്ചതായും ഒരുപാട് വര്‍ഷം ടീമംഗങ്ങളായി കൂടെ കളിച്ചതായും യൂനിസ്​ ഖാൻ പറഞ്ഞു.

ഞാൻ തെറ്റായി ഒന്നുംതന്നെ ചെയ്തിട്ടില്ലെന്ന്​ ബോധ്യമുണ്ട്​. ഏത്​ സാഹചര്യത്തിലും സത്യം മാത്രം പറയണമെന്നും വിനയം കാത്തുസൂക്ഷിക്കണമെന്നും ത​​​​​െൻറ പിതാവ്​ നൽകിയ ഉപദേശം പിൻപറ്റുക മാത്രമാണ് ചെയ്തതെന്നും യൂനിസ് കൂട്ടിച്ചേർത്തു. 

ആധുനിക ക്രിക്കറ്റിലെ രീതികൾ താരങ്ങൾക്ക്​ കാഠിന്യമേറിയതാണെന്ന്​ പറഞ്ഞ പാകിസ്​താ​​​​​െൻറ എക്കാലത്തേയും വലിയ ടെസ്​റ്റ്​ റൺ സ്​കോററായ യൂനിസ്​ ഖാൻ, സ്ഥിരത പുലർത്തുന്നത്​ ഇപ്പോൾ വളരെ ബുദ്ധിമു​േട്ടറിയതാണെന്നും അഭിപ്രായപ്പെട്ടു. ത​​​​​െൻറ കരിയറിലെ മുന്നേറ്റങ്ങൾക്ക്​ കാരണക്കാരൻ മുൻ പാക്​ ഇതിഹാസം ജാവേദ്​ മിയാൻദാദ്​ ആണെന്നും അദ്ദേഹം പറഞ്ഞു.