മുംബൈ അസി. കോച്ച് ഒസ്കര് ബ്രുസോണിനെ പുറത്താക്കി
text_fieldsമുംബൈ: ഇന്ത്യന് സൂപ്പര് ലീഗ് പാതിവഴി പിന്നിടവെ വീണ്ടും കോച്ചിനെ പുറത്താക്കല്. മുംബൈ സിറ്റി എഫ്.സി അസിസ്റ്റന്റ് കോച്ച് ഒസ്കര് ബ്രൂസോണിനെയാണ് ക്ളബ് മാനേജ്മെന്റ് ജോലിയില് നിന്ന് അടിയന്തരമായി പുറത്താക്കിയത്. വെള്ളിയാഴ്ച ഡല്ഹി ഡൈനാമോസിനെതിരെ 1-1ന് സമനില വഴങ്ങിയ മത്സരത്തില് സഹപരിശീലകനില്ലാതെയാണ് മുംബൈ കളിച്ചത്. ഫുട്ബാളുമായി ബന്ധപ്പെട്ട അഭിപ്രായവ്യത്യാസത്തെ തുടര്ന്നാണ് സ്പാനിഷ് കോച്ചിനെ ഒഴിവാക്കുന്നതെന്ന് മുംബൈ സിറ്റി എഫ്.സി സി.ഇ.ഒ ഇന്ദ്രനില് ദാസ് അറിയിച്ചു. പരസ്പരധാരണയുടെ അടിസ്ഥാനത്തിലാണ് ബ്രൂസോണ് ജോലി അവസാനിപ്പിച്ചത്. അദ്ദേഹത്തിന് എല്ലാ ആശംസകളും നേരുന്നു -പ്രസ്താവനയില് പറഞ്ഞു. ഹെഡ് കോച്ച് പീറ്റര് ടെയ്ലറെ തെറുപ്പിച്ചുകൊണ്ട് കേരള ബ്ളാസ്റ്റേഴ്സ് ആണ് ഐ.എസ്.എല്ലിലെ പുറത്താക്കലിന് തുടക്കമിട്ടത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.