ലിവര്‍പൂളും ഹോട്സ്പറും മുന്നോട്ട്

ലണ്ടന്‍: യൂറോപ ലീഗില്‍ ജയങ്ങളുമായി ഇംഗ്ളീഷ് ക്ളബുകളായ ലിവര്‍പൂളും ടോട്ടന്‍ഹാം ഹോട്സ്പറും അവസാന 32 ടീമുകളില്‍ ഇടംപിടിച്ചു. യുര്‍ഗന്‍ ക്ളോപ്പിന്‍െറ സ്വന്തം തട്ടകമായ ആന്‍ഫീല്‍ഡില്‍ ഒരു ഗോളിന് പിന്നില്‍ നിന്നതിനുശേഷം തിരിച്ചടിച്ച ലിവര്‍പൂള്‍, 2-1ന് ഫ്രഞ്ച് ടീം ബൊര്‍ദ്യൂക്സിനെ തോല്‍പിച്ചു. തകര്‍പ്പന്‍ ഫോമില്‍ കളിക്കുന്ന ഇംഗ്ളീഷ് സ്ട്രൈക്കര്‍ ഹാരി കെയ്നിന്‍െറ ഗോളില്‍ അസര്‍ബൈജാനി ചാമ്പ്യന്‍ ടീം ക്വരബാഗിനെയാണ് ടോട്ടന്‍ഹാം തോല്‍പിച്ച് മുന്നേറിയത്.