ബംഗളൂരു എഫ്.സിയെ  ഐസോള്‍ അട്ടിമറിച്ചു

ഐസോള്‍: ഐ ലീഗ് ചാമ്പ്യന്മാരായ ബംഗളൂരു എഫ്.സിയെ ഞെട്ടിച്ച് ഫെഡറേഷന്‍ കപ്പില്‍ ഐസോള്‍ എഫ്.സിക്ക് ഗംഭീര ജയം. 2-1നായിരുന്നു ഐ ലീഗില്‍ തരംതാഴ്ത്തപ്പെട്ട ഐസോളിന്‍െറ ജയം. 90ാം മിനിറ്റില്‍ ജോള്‍ സണ്‍ഡേയുടെ മിന്നുന്ന ഗോളിലാണ് ബംഗളൂരു അപ്രതീക്ഷിത തോല്‍വി വഴങ്ങിയത്. 
15ാം മിനിറ്റില്‍ യൂജിന്‍സന്‍ ലിങ്ദോയുടെ ഗോളില്‍ ബംഗളൂരുവാണ് മുന്നിലത്തെിയത്. എന്നാല്‍, 38ാം മിനിറ്റില്‍ ആല്‍ഫ്രഡ് കാമയിലൂടെ ഐസോള്‍ തിരിച്ചടിച്ചു. ഒന്നാം പകുതിക്ക് പിരിയുമ്പോള്‍ 1-1 എന്ന നിലയിലായിരുന്നു ഗോള്‍ പട്ടിക. കളിയുടെ തുടക്കത്തില്‍ ബംഗളൂരുവിനായിരുന്നു മുന്‍തൂക്കം. ബംഗളൂരു മുന്നേറ്റ നിര ഏതു നിമിഷവും ഐസോള്‍ പോസ്റ്റിലേക്ക് പന്തത്തെിക്കുമെന്ന് തോന്നിപ്പിച്ചു. ഒരുതവണ ഗോള്‍ ലൈനില്‍നിന്നാണ് ഐസോള്‍ പ്രതിരോധ നിര പന്ത് തട്ടിയകറ്റിയത്. 
15ാം മിനിറ്റില്‍ ബംഗളൂരു അര്‍ഹിച്ച ഗോള്‍ നേടി. പ്രതിരോധ താരങ്ങളുടെ പിഴവ് മുതലെടുത്ത് ലിങ്ദോ തൊടുത്ത ഷോട്ട് ഐസോള്‍ വലയില്‍ പതിച്ചു. 

38ാം മിനിറ്റില്‍ ഐസോള്‍ തിരിച്ചടിച്ചു. ആല്‍ഫ്രഡിന്‍െറ ഇടങ്കാലന്‍ ഷോട്ട് ബംഗളൂരു വലയില്‍ കയറി.  കളി സമനിലയിലേക്ക് നീങ്ങുമെന്ന ഘട്ടത്തിലാണ് ജോള്‍ സണ്‍ഡേ രക്ഷകനായി അവതരിച്ചത്. അവസാന നിമിഷത്തില്‍ ലഭിച്ച അവസരം ഗോളാക്കിയ ജോള്‍ സ്വന്തം കാണികള്‍ക്കു മുന്നില്‍ ഐസോളിന് വിലപ്പെട്ട ജയം നല്‍കി.