എവേയില്‍ വീഴാതെ വോള്‍ഫ്സ്ബുര്‍ഗ്

ജെന്‍റ്: അവസാന നിമിഷംവരെ പൊരുതിയ എതിരാളികളെ 3-2ന് തളച്ച് വോള്‍ഫ്സ്ബുര്‍ഗ് ചാമ്പ്യന്‍സ് ലീഗ് പ്രീക്വാര്‍ട്ടര്‍ ആദ്യപാദം ജയിച്ചുകയറി.
ഇരുപകുതികളിലുമായി അടിച്ച മൂന്നു ഗോളുകള്‍ ജര്‍മന്‍ ക്ളബിന്‍െറ രക്ഷക്കത്തെിയപ്പോള്‍ രണ്ടെണ്ണം തിരിച്ചടിച്ച് ഗോള്‍വ്യത്യാസം കുറക്കാനേജെന്‍റിന് കഴിഞ്ഞുള്ളൂ. ജൂലിയന്‍ ഡ്രാക്സ്ലറിന്‍െറ ഇരട്ടപ്രഹരവും (44', 54') മാക്സ് ക്രൂസിന്‍െറ 60ാം മിനിറ്റ് ഗോളുമായി 3-0ത്തിന് മുന്നില്‍കടന്ന വോള്‍ഫ്സ്ബുര്‍ഗ് അനായാസജയമാണ് ലക്ഷ്യമിട്ടത്. എന്നാല്‍, സ്വന്തം മണ്ണില്‍ പതറാതെ പൊരുതിയ ബെല്‍ജിയംകാര്‍ 80ാം മിനിറ്റില്‍ സെന്‍ കംസിലൂടെ ഒരു ഗോള്‍ മടക്കി. ഗോള്‍ വ്യത്യാസം രണ്ടാം പാദത്തില്‍ നിര്‍ണായകമാണെന്നിരിക്കെ,  കലിഫ കൗലിബാലിയിലൂടെ(89) രണ്ടാം ഗോളും നേടാനായത് ജെന്‍റിന് ആശ്വാസമായി.