ആല്‍ബര്‍ട്ട് റോക്ക ബംഗളൂരു എഫ്.സി പരിശീലകന്‍

ബംഗളൂരു: ഐ ലീഗ് ചാമ്പ്യന്മാരായ ബംഗളൂരു എഫ്.സി പരിശീലകനായി ബാഴ്സലോണയുടെ മുന്‍ അസിസ്റ്റന്‍റ് കോച്ച് ആല്‍ബര്‍ട്ട് റോക്കയെ നിയമിച്ചു. സ്പെയിന്‍കാരനായ ഇദ്ദേഹവുമായി രണ്ടുവര്‍ഷത്തെ കരാറിലാണ് ക്ളബ് ഒപ്പുവെച്ചത്. ലാലിഗയില്‍ റയല്‍ സരഗോസ, സി.ഇ. സബാഡെല്‍ എഫ്.സി തുടങ്ങിയവക്കായി ബൂട്ടണിഞ്ഞ റോക്ക ഡച്ചുകാരനായ ഫ്രാങ്ക് റെയ്ക്കാര്‍ഡിനൊപ്പം അഞ്ച് സീസണില്‍ ബാഴ്സലോണയുടെ സഹപരിശീലകനായിരുന്നു. ഈ കാലഘട്ടത്തില്‍ ഒരുതവണ ചാമ്പ്യന്‍സ് ലീഗിലും രണ്ടുതവണ വീതം ലാലിഗയിലും സ്പാനിഷ് സൂപ്പര്‍ കപ്പിലും ബാഴ്സ കിരീടമണിഞ്ഞു.ജൂലൈ അവസാന വാരം ഇദ്ദേഹം ടീമിനൊപ്പം ചേരു.